როგორ მოვახდინოთ მანიპულირება სხვებზე
გაიგეთ მანიპულირებენ თუ არა თქვენზე. სანამ დაიწყებთ მანიპულაციების სწავლას და შემდეგ მათ პრაქტიკაში გამოყენებას, მინდა თავიდანვე მოკლე შესავალი გავაკეთო: იმისათვის, რომ გაგიადვილდეთ სამომავლოდ თავის დაცვა და საჭიროების შემთხვევაში თავდასხმა, საჭიროა გამოავლინოთ თუ როგორ მანიპულირებენ თქვენზე. დააკვირდით ადამიანების ქცევებსა და ჟესტებს, მათ "სხეულის ენას", საუბრის მანარესა და სიჩქარეს. თუ რა სიტყვებს იყენებს მოსაუბრე ხშირად და ყველაზე მთავარი, როდესაც გესაუბრებიან და თქვენ ეჭვი გაქვთ, რომ ცდილობენ თქვენით მანიპულირებას აუცილებელად გაამახვილეთ ყურადღება უფრო მეტად იმაზე, თუ რატომ გეუბნებიან და გელაპარაკებიან ამა თუ იმ თემაზე, ვიდრე რას ამბობენ და როგორ.
სიმშვიდე, წონასწორობა.წარმოუდგენელია ადამიანზე მოახდინო მანიპულირება თუ ვერ აკონტროლებ საკუთარ თავს. ისწავლეთ საკუთარი თავის მართვა, უპირველსად სანამ შეეცდებით სხვაზე ზეგავლენის მოხდენას. იმისათვის, რომ გაგიადვილეთ ეს უკანასკნელი, არსებობს რიგი ვარჯიშებისა. 1. დაუკვირდით საკუთარ აზრებსა და ფიქრებს, 2. იყავით მობილიზებული და კონცენტრირებული. 3. მოერიდეთ ზედმეტ არასაჭირო ქცევებს, იქნება ეს ფეხის მოუსვენარი მოძრაობა თუ ხელებისა და მხრების გაუაზრებელი მოძრაობები. 4. დააკვირდით ჩამოყალიბებულ ადამიანებს, იქნება ეს პოლიტკოსები თუ მაღალი რანგის სხვა ადამიანები. ნახეთ თუ როგორ იქცევიან ისინი და გაავლეთ პარალელები. დაკვირვების შემდეგ კი გამოიტანეთ სათანადო დასკვნები და დაიწყეთ თქვენი მანერების დახვეწა.