როგორ გავაუმჯობესოთ ნახტომი - rogor.ge

 

ყველაზე მარტივი და "მუშა" მეთოდია - სიმძიმეების გამოყენება. შეგიძლიათ გაიკეთოთ სპეციალური ქამარი. მაგრამ არის ერთი "მაგრამ" - ასეთი მოწყობილობით სირბილი არც ისე მოსახერხებელია და უსაფრთხო. ქამრის წყალობით გაგეზრდებათ მასა და შესაბამისად კინეტიკური ენერგია მოძრაობის დროს. ასევე შეგიმცირდებათ მანევრირება და შეჯახების შემთხვევაში შესაძლოა ტრავმა მიიღოთ.

 

სწორედ იმისთვის, რომ არავინ დაშავდეს, სპეციალისტები გვირჩევენ, რომ ვითამაშოთ ფრენბურთი რაღათქმაუნდა სიმძიმეებით, რადგან ფრენბურთში არ არის საჭირო ბევრი სირბილი და თუ გავითვალისწინებთ ბადის სიმაღლეს, მოთამაშეებს მოუწევთ ახტომა ბურთის მოსაგერიებლად. შესაბამისად მივიღებთ ზუსტად იმას რაც გვინდა უსაფრთხოდ. ეს ყველაფერი ხელს შეუწყობს ფეხის, ბარძაყის, თეძოს, ზურგის და მუცლის კუნთების განვითარებას. ამასთანავე ავითარებს მოთამაშის გამძლეობას. მას შემდეგ რაც მოიხსნით დამამძიმებელ "მექანიზმს" თქვენ გაგიადვილდებათ ნახტომის შესრულება. შესაბამისად უფრო მაღლა ახტებით.

 

თუ თქვენ ვერ ახერხებთ ზემოთხსენებული ქამრის ან დამძიმების სხვა აქსესუარების შოვნას/ყიდვას მაშინ გირჩევთ შემდეგ მარტივ სავარჯიშოებს. ვარჯიში 1: დაიკავეთ საწყისი პოზიცია - შეატყუპეთ ფეხები და დადექით სახით რამე ამაღლებისკენ (მაგალითად ბარდიური, სკამი, მაგიდა და ასე შემდეგ). ადით ამ ამაღლებაზე მარჯვენა ფეხით და ჩამოდით. შემდეგ მარცხენა ფეხით და ისევ ჩამოდით. ეცადეთ გააკეთოთ ეს ყველაფერი ერთ ტემპში და გაიმეოროთ მანამ სანამ არ იგრძნობთ ბარძაყის კუნთების დაღლილობას/მსუბუქ ტკივილს. დატვირთვა აუცილებლად უნდა გაზარდოთ მას შემდეგ რაც გაგიადვილდებათ აღნიშნული სავარჯიშოს შესრულება. ეს თქვენ ორი გზით შეგიძლიათ: გზა 1: გაზარდეთ ვარჯიშის გამეორების რაოდენობა. გზა 2: გაზარდეთ ამაღლება რომელზეც ადიხართ.

 

ვარჯიში 2: დაიკავეთ საწყისი პოზიცია - დადექით რამე სახის ამახლებაზე (სასურველია დაბალი იყოს მაგალითად ბარდიური იქნებოდა იდეალური) შეტყუპებული ფეხებით. ეცადეთ თქვენი ტერფების რაც შეიძლება მცირე ნაწილი იყოს ამაღლებაზე ხოლო დანარჩენი "ჰაერში". გაითვალისწინეთ, რომ ამ ვარჯიშს მხოლოდ ტერფების მოძრაობით ასრულებთ. ჩადით სადამდეც შეძლებთ (ტერფების მოხრით) და გაჩერდით 2 წამი. ამის შემდეგ აიზიდეთ (მხოლოდ ტერფების ხარჯზე) ისე, რომ ფეხის წვერებზე იდგეთ და გაჩერდით ისევ 2 წამით. გაიმეორეთ ვარჯიში რამდენჯერმე. როგორც პირველ ვარჯიშში აუცილებელია დატვირთვის სწორად გადანაწილება, რადგან არასწორი ვარჯიშის შემთხვევაში შეიძლება კუნთი დაგეჭიმოთ ან დაიზიანოთ მყესები. ამისათვის საჭიროა დაიწყოთ სულ რაღაც 10 აზიდვით ერთ "მისვლაზე", შეადგინეთ თქვენი ინდივიდუალური გეგმა და გააუმჯობესეთ თქვენი შედეგი აზიდვების რაოდენობის გაზრდით.

 

ზემოთ მოყვანილი 2 ვარჯიში შეგიძლიათ გაართულოთ სიმძიმეების გამოყენებით. შედეგი შესამჩნევი იქნება მხოლოდ რეგულარული ვარჯიშის შემთხვევაში.

 

იმისათვის, რომ ადვილად შეაფასოთ თქვენი პროგრესი, გირჩევთ გაზომოთ თქვენი ნახტომი და შეადაროთ გარკვეული პერიოდის შემდეგ დაფიქსირებულ შედეგს. გისურვებთ წარმატებებს!