როგორ შევარჩიოთ ძილის იდეალური დრო ზოდიაქოს ნიშნის მიხედვით - rogor.ge

როგორ შევარჩიოთ ძილის იდეალური დრო ზოდიაქოს ნიშნის მიხედვით

♈ ვერძი

ვერძები ამოუწურავი ენერგიით გამოირჩევიან და სულ რამდენიმე საათიანი ძილის შემდეგაც კი ახერხებენ აქტიურობის შენარჩუნებას. მათ არ უყვართ დაღლილობის ჩვენება და იშვიათად აღიარებენ, რომ დასვენება სჭირდებათ, რის გამოც ხშირად გვიანობამდე რჩებიან მეგობრებთან ერთად. ვერძებისთვის დაძინების იდეალური დრო შუაღამეა.

♉ კურო

კუროებმა იციან ცხოვრებით ტკბობა და განსაკუთრებით აფასებენ საღამოს საათებს. დატვირთული დღის შემდეგ ისინი სიამოვნებით ატარებენ დროს გემრიელ ვახშამსა და მშვიდ, აუჩქარებელ საუბრებში. მათთვის სასიამოვნო ატმოსფერო მკაცრ რეჟიმზე მნიშვნელოვანია, ამიტომ კუროებისთვის დაძინების ოპტიმალური დრო ღამის 02:00 საათია.

♊ ტყუპები

ტყუპებს საღამო ახალი შთაბეჭდილებების გარეშე ვერ წარმოუდგენიათ. ბუნებრივი ცნობისმოყვარეობა და იმის შიში, რომ რაიმე საინტერესო არ გამოტოვონ, ხშირად ძილის სურვილზე ძლიერია. ისინი საათობით საუბრობენ, კითხულობენ სიახლეებს ან უყურებენ ფილმებს, რის გამოც მათთვის საუკეთესო დრო დასაძინებლად 02:00 საათია.

♋ კირჩხიბი

კირჩხიბებს სრულფასოვანი ღამის დასვენება აუცილებლად სჭირდებათ, რადგან უძილობა მყისიერად აისახება მათ განწყობაზე. გამოუძინებელი კირჩხიბი მარტივად ხდება გაღიზიანებული და მგრძნობიარე. მათთვის უმჯობესია საქმეების ადრე დასრულება, მყუდრო გარემოს შექმნა და დასაძინებლად 21:00 საათზე დაწოლა.

♌ ლომი

ლომებს უყვართ ყურადღების ცენტრში ყოფნა და იშვიათად უშვებენ ხელიდან საკუთარი ქარიზმის გამოვლენის შანსს. წვეულებებსა და შეკრებებზე ისინი ბოლო სტუმრამდე რჩებიან, რადგან საინტერესო მოვლენის გამოტოვებას რამდენიმე საათიანი ძილის დათმობა ურჩევნიათ. ლომების რიტმისთვის დაძინების იდეალური დრო 03:00 საათია.

♍ ქალწული

ქალწულებს გვიანობამდე წვეულებაზე იშვიათად შეხვდებით, სამაგიეროდ, ისინი ხშირად რჩებიან სამსახურში საქმეების ბოლომდე მისაყვანად. დისციპლინირებული და პასუხისმგებლობიანი ქალწული არ ტოვებს დაუსრულებელ საქმეს მეორე დღისთვის, თუმცა ძილსაც უფრთხილდება - მათთვის ოპტიმალური დრო 23:00 საათია.

♎ სასწორი

სასწორები აფასებენ სილამაზეს, ხელოვნებასა და კულტურულ დასვენებას. თეატრისა თუ საღამოს ღონისძიების შემდეგ ისინი სიამოვნებით აგრძელებენ დროის გატარებას სასიამოვნო კომპანიაში. სასწორებისთვის ბალანსისა და ენერგიის შესანარჩუნებლად საუკეთესო დრო შუაღამე (00:00) გახლავთ.

♏ მორიელი

მორიელები დღის განმავლობაში უამრავ ემოციურ და გონებრივ ენერგიას ხარჯავენ, რის გამოც ძალების აღსადგენად ღრმა და ხარისხიანი ძილი სჭირდებათ. მიუხედავად იმისა, რომ ღამის სიჩუმე მოსწონთ, ორგანიზმის გადატვირთვის თავიდან ასაცილებლად მათთვის იდეალური დრო 22:00 საათია.

♐ მშვილდოსანი

მშვილდოსნები მუდმივად თავგადასავლებისა და ახალი ემოციების ძიებაში არიან. მათთვის ადრე დაძინება დროის ფუჭად კარგვასთან ასოცირდება, განსაკუთრებით მაშინ, თუ გარშემო მხიარულება ან საინტერესო დისკუსიაა. მშვილდოსნების ენერგიისთვის დაძინების ოპტიმალური დრო 02:00 საათია.

♑ თხის რქა

თხის რქები ყველაზე პრაქტიკული და რეჟიმის მოყვარული ნიშნები არიან. მათ კარგად იციან, რომ პროდუქტიული დილისთვის ადრეული და ხარისხიანი დასვენებაა აუცილებელი. ზედმეტი გართობის ნაცვლად ისინი სიმშვიდეს ირჩევენ, ამიტომ მათთვის იდეალური დრო 21:00 საათია.

♒ მერწყული

მერწყულების გონება ყველაზე აქტიურად სწორედ საღამოს საათებში მუშაობს - ამ დროს მოდით ახალი იდეები, უჩნდებათ კითხვის, ფილმების ყურების ან ახალი პროექტების დაგეგმვის სურვილი. მათი შემოქმედებითი ბუნებისთვის დაძინების საუკეთესო დრო 01:00 საათია.

♓ თევზები

თევზები განსაკუთრებით მგრძნობიარენი არიან გარე სამყაროს ემოციების მიმართ და დღის ბოლოს განმარტოება სჭირდებათ. სრულფასოვანი დასვენება და სასიამოვნო სიზმრები მათი სულიერი წონასწორობის მთავარი წყაროა, რის გამოც თევზებისთვის იდეალური დრო 22:00 საათია.

💡 2 ოქროს რჩევა ჯანსაღი ძილისთვის (ნებისმიერი ნიშნისთვის)

დაიცავით სტაბილური გრაფიკი: მიუხედავად იმისა, რომელ საათზე იძინებთ, შეეცადეთ ყოველდღე (მათ შორის შაბათ-კვირასაც) ერთსა და იმავე დროს დაწვეთ და გაიღვიძოთ - ეს ორგანიზმის ბიოლოგიურ საათს აწესრიგებს.

გამორთეთ ეკრანები დაძინებამდე 30-60 წუთით ადრე: სმარტფონისა და ტელევიზორის ლურჯი ნათება აფერხებს ძილის ჰორმონის (მელატონინის) გამომუშავებას, რაც ჩაძინებას ართულებს.