როგორია შენი სამყაროს სურათი: რომელი დიდებული მხატვარი დაგხატავდა ზოდიაქოს ნიშნის მიხედვით?
თხის რქა ♑ პიტერ პაულ რუბენსი
ამ გოგონამ ნამდვილად იცის რომანტიკის ფასი და დეტალებს ისე აფასებს, როგორც არავინ. რუბენსის წვნიანი, ჰაეროვანი, სინათლითა და დიად, დახვეწილ წვრილმანებით გაჯერებული ტილოები მისთვის ყველაზე შესაფერისი გარემოა. თუ ვინმეს სჭირდება მასტერკლასი იმისა, თუ როგორ უნდა იპოზიოროს მდიდრული ქსოვილების ნაოჭებში ლამაზად და დიდებულად, თხის რქა ამას სრულიად უფასოდ - უბრალოდ ხელოვნების სიყვარულით აჩვენებს. თუმცა, ეს მაყურებლისთვის გამართული შოუ როდია, ის უბრალოდ ასე ცხოვრობს.
მერწყული ♒ ედვარდ მუნკი
ამ მხატვრის მისტიკური და ემოციური ფერწერის მთავარი მოქმედი პირი ყოველთვის ცოტათი იდუმალ, მიუწვდომელ ფიგურას ჰგავს: ექსტრავაგანტურია, მაგრამ უცნაურობების გარეშე; ქალურია, მაგრამ ვულგარულობის გარეშე; მეგობრულია, მაგრამ დისტანციის დარღვევის გარეშე. ტყუილად როდი ითვლება მერწყული ყველაზე იშვიათ ზოდიაქოს ნიშნად. მას ძალიან უყვარს სიცოცხლე, თუმცა გარშემომყოფებმა შეიძლება ცივ ადამიანად მიიჩნიონ. ეს გულგრილობა არ არის, ეს მარტოობის ბუნებრივი მოთხოვნილებაა სულ სხვა რამ, რაც უბრალოდ ყველას არ ესმის.
თევზები ♓ იან ვერმეერი
ვერმეერის პორტრეტებს რა კუთხიდანაც არ უნდა შეხედო, მისი გმირის მზერა ნაზი, ღია და მიმზიდველი ყოველთვის მაყურებლისკენ არის მიმართული. ზუსტად ასეა თევზების შემთხვევაშიც: გამჭრიახობა და ადამიანების ფარული ბუნების დანახვა ამ ნიშნის წარმომადგენლების მეორე და მესამე სახელია. თევზები არ ჩქარობს იმის მოყოლას, რაც დაინახა, მხოლოდ იდუმალად აელვარებს თავის ცნობილ მარგალიტის საყურეს. აბა, სცადე, დაიჭირე შენი ანარეკლი იქ და გამოიცანი, რა იცის მან შენს შესახებ!
ვერძი ♈ პაბლო პიკასო
პორტრეტულ მსგავსებაზე ხუმრობას არც კი შევეცდებით, აქ სულ სხვა ისტორიაა: ეს ლამაზმანი არავის ჰგავს და მას სხვაში ვერასდროს აურევ. ტრადიციული ფორმები და მიდგომები ვერძ გოგონას არ აინტერესებს; მას სჭირდება ყველაფრის ძირამდე დანგრევა, შემდეგ კი ინტერესით დაკვირვება, როგორ ვარდება ყველა გონებიდან აღფრთოვანებისა და მოულოდნელობისგან. ასეთი „მშვენიერებასთან შეხვედრის“ შემდეგ ადამიანები ძველებურად ვეღარ ცხოვრობენ იმიტომ, რომ ვერძი, ისევე როგორც დიდი კუბისტი, ცვლის ადამიანებს და მათ შეხედულებებს სამყაროზე.
კურო ♉ პიერ ოგიუსტ რენუარი
რისთვის გვიყვარს, ვთქვათ, რენუარის ტილოები? იმიტომ, რომ ეს არის სურათები თემაზე „ცხოვრება შედგა!“. სწორედ მისი ტილოების უშფოთველი სიმყუდროვისა და სიახლისკენ მიილტვის კურო მთელი სულით. მას შეუძლია ეს თბილი, ესთეტიკური გარემო მომენტალურად შექმნას თავის გარშემო და მხოლოდ იმისთვის გაჩერდეს, რომ მხატვარს აუპოზიოროს. არა უშავს, თუ ოჯახის წევრები განსაკუთრებულად არ არიან გახარებულები წელიწადში მესამე კოსმეტიკური რემონტით, შეეძლოთ უკვე შეჩვეულიყვნენ. საერთოდ, საუბრის დრო არ არის, ჭერი ვარდისფრად შესაღებია!
ტყუპები ♊ დანტე გაბრიელ როსეტი
დიდი პრერაფაელიტი ხატავდა თავის მშვენიერ და ერთმანეთისგან ძალიან განსხვავებულ თანამედროვეებს, თუმცა მისი ფუნჯის ქვეშ ისინი ერთნაირ ნაკვთებს იძენდნენ. ტყუპებთან ურთიერთობა უსასრულო, სიურპრიზებით სავსე, კოსტიუმირებულ წვეულებას ჰგავს არასდროს იცი, მისი რომელი პიროვნება გამოვა დღეს შენს შესახვედრად და რა უდევს მას თავში. ცოტათი სახიფათოა, მაგრამ სამაგიეროდ მოსაწყენი ნამდვილად არ არის. სხვათა შორის, თავად როსეტი ამბობდა: „არ ძალმიძს ვაკეთო ის, რაც მევალება“ ტყუპებს გერბი რომ ჰქონოდათ, ეს სიტყვები მათი დევიზი გახდებოდა.
კირჩხიბი ♋ ედუარდ მანე
მანდარინი გნებავთ, სელტერის წყალი, საინტერესო ქუდი თუ უბრალოდ ლამაზ რამეებს ათვალიერებთ? ყოფიერების ფარული ჰარმონია და ერთი შეხედვით ბანალური სიუჟეტების პოეზია ამისთვის ნამდვილად კირჩხიბს უნდა მიმართოთ. ამ იმპრესიონისტის ტილოების მთავარი გმირები ჩაძირულნი არიან თავიანთ მდიდარ შინაგან სამყაროში და უწყვეტ დიალოგში საკუთარ თავთან. სად არის რეალობა და სად ოცნებები? ამის გასაგებად ამ გოგონასთან ერთად არაერთი წელი უნდა გაატაროთ, და მაინც, გარანტიას არავინ მოგცემთ.
ლომი 👑 გუსტავ კლიმტი
რა თქმა უნდა, ამ ქალს ოქრო სჭირდება! აბა სხვაგან სად იპოვის მას საკმარისი რაოდენობით, თუ არა გუსტავ კლიმტთან. გარდა ამისა, მის შემოქმედებაში მძიმე, შრომითი სიუჟეტები არ არსებობს, ასე რომ, ვიღებთ იდეალურ გარემოს ლომისთვის ნეტარება ბარბაროსული ფუფუნების ხუთვარსკვლავიან პირობებში. კითხვა: „კი მაგრამ, დაიმსახურა?“ დღის წესრიგში საერთოდ არ დგას. ხოლო კომფორტული დასვენების შედეგები... ნუ, ეგ უკვე სულ სხვა სურათის თემაა.
ქალწული ♍ ლეონარდო და ვინჩი
იდეალური სიმეტრია, კარგი განათება, დამუშავებული ანატომია და მდიდარი სიმბოლიზმი ქალწულს რომ არჩევანი ჰქონოდა, თუ რომელ სურათში ეცხოვრა, ის უეჭველად ლეონარდოსთან გაემგზავრებოდა (დი კაპრიო, შენ არა, მოითმინე). იმიტომ, რომ იქ წესრიგია, ყველაფერი კარგად მუშაობს და გარშემო ცხოველებიც დარბიან დრაკონიდან დაწყებული, სინდიოფალათი დამთავრებული. ამ გოგონას გიჟურად უყვარს ცხოველები და ძალიან მოსწონს აღორძინების ხანის დიდი მაესტროს მიდგომა მათ უფლებებთან დაკავშირებით ლეგენდის თანახმად, ის ბაზარში გალიაში გამომწყვდეულ ჩიტებს ყიდულობდა, რათა ისინი თავისუფლებაზე გაეშვა.
სასწორი ⚖️ მარკ შაგალი
ემოციების უსაზღვროდ ფართო სპექტრის წყალობით, სასწორები იმპროვიზაციის ნამდვილი დიდოსტატები ნებისმიერ კომპანიაში საპატიო ადგილს იპოვიან. სწორედ ამიტომ, ამ გოგონას მარკ შაგალი დახატავდა მსოფლიოში ერთადერთი მხატვარი, რომლის ვიტრაჟებიც პრაქტიკულად ყველა კონფესიის ტაძრებს ამშვენებს. ზღაპრული ფერები და კონტრასტები, გიჟური დეფორმაციები, ფრენები, ნახტომები და თავისუფალი ვარდნა... როგორც შაგალის ნახატებზე, ისე სასწორების ცხოვრებაშიც, სიტყვასიტყვით ყველაფერი ხდება, რათა ათასი, ერთი შეხედვით შეუსაბამო ნაწილისგან, ბალანსის ერთიანი თავსატეხი აიწყოს. ნამდვილი მაგიაა!
მორიელი ♏ ვინსენტ ვან გოგი
იმ შემთხვევაშიც კი, თუ მორიელი გოგონა ერთ ადგილას გაუნძრევლად დგას, ის მაინც უწყვეტ მოძრაობაშია. ის არცერთი წამით არ კარგავს მხედველობიდან დიდ მიზნებს, შორს მიმავალ გეგმებს და ისეთ მცირე სიამოვნებებს, როგორიც წყენინებისთვის შურისძიებაა (თავზეხელაღებულები, საერთოდ საიდან გაბედეს!). მსგავს შთაბეჭდილებას ტოვებს ვან გოგის შემოქმედებაც ერთი მხრივ, ოდნავ შფოთვის მომგვრელია, რომ ირგვლივ ყველაფერი თითქოს მოძრაობს და ტალღოვანად მიედინება, მეორე მხრივ კი შეუძლებელია არ გაოცდე ასეთი საოცრად მჩქეფარე სიცოცხლის მოყვარეობით.
მშვილდოსანი ♐ თამარა დე ლემპიცკა
ყველაზე მეტად ცხოვრებაში მშვილდოსანს თავგადასავლები უყვარს. ხოლო იმისთვის, რომ ეს თავგადასავლები მართლაც დაუვიწყარი გახდეს (თანაც შემთხვევითი მოწმეებისთვისაც კი), ის მოვლენების ეპიცენტრში, მთავარ როლში და, სასურველია, განსაცვიფრებელ ფორმაში უნდა იყოს. ბოჰემური ბარონესას საკულტო ნახატზე მოხვედრა ამისთვის იდეალური ვარიანტია „შეფუთეთ, თუ შეიძლება, მიგვაქვს!“.