როგორია მანიკიურის 8 ნეიტრალური ფერი, რომელიც 2026 წლის ჰიტი გახდება
რბილი ყავისფერი (taupe)
ტრადიციული რუხი-ყავისფერის ალტერნატივა: რბილი ყავისფერი უფრო „ბუნებრივად“ გამოიყურება და სძენს ორგანულ სინაზეს, რომელიც ლამაზად ერწყმის ნატურალურ ტექსტურებს. ის მოგვაგონებს მზისგან გამომშრალ თიხას, ხის ძველ ქერქს ან ხელით ნაკეთ კერამიკას.
ზეთის ხილის ფერი
მწვანე შესაძლოა ნეიტრალურ ფერად არ აღიქმებოდეს, თუმცა მისი ზეთის ხილის ტონი საოცრად კარგად ეხამება თითქმის ყველაფერს და ინარჩუნებს „ლუქს“ კლასის შეგრძნებას. „ეს ნეიტრალური ფერია და ის ბრწყინვალედ მუშაობს ოქროსფერ აქცენტებთან ერთად“, — აღნიშნავს მანიკიურის ოსტატი ვალენტინა ფერნანდესი.
ტერაკოტა
ტერაკოტაში შენარჩუნებულია პუდრისებრი, ოდნავ „დამტვერილი“ ესთეტიკა, ამავდროულად კი ის სავსეა სითბოთი. „ტერაკოტა უბრალოდ იდეალური თბილი ტონია. ის ქმნის მდიდარ, მყუდრო განწყობას, რომელიც მთელი წლის განმავლობაში შესანიშნავად გამოიყურება“, — ამბობს სანტოსი.
სოკოსფერი (Mushroom)
კიდევ ერთი წარმატებული ფერი, რომელსაც ყურადღება უნდა მიაქციოთ. ეს არის ოდნავ უფრო გრილი, გაწონასწორებული ფერი, რომელიც ნაცრისფერისა და რუხი-ყავისფერის ზღვარზეა. მასში შესაძლოა შეიმჩნეოდეს ყავისფერი ან ლავანდისფერი ქვეტონებიც.
ატმისფერი
კიდევ ერთი ვარიანტი, რომელსაც ექსპერტები გვირჩევენ. ეს არის საოცრად თბილი და წვნიანი ტონი, რომელიც ამავდროულად რბილი და დახვეწილი რჩება. ეს ფერი თითის წვერებს ოქროსფერ ნათებას ჰმატებს — თითქოს საღამოს „ოქროს საათის“ ნაზი შუქი იყოს.
ალაბასტროვი (Alabaster)
არც ქათქათა თეთრი და არც ნამდვილი ნაცრისფერი — ალაბასტროვი წარმოადგენს თეთრის კრემისფერ ტონს სითბოს მსუბუქი ნიშნით. ის მოგვაგონებს იდეალურად გაპრიალებულ ქვას ან კარგად გარეცხილ სელის ქსოვილს; ქმნის სუფთა, ნორჩ ეფექტს და ამავდროულად არ გამოიყურება „სტერილურად“.
რუხი-ლურჯი
ეს გამომსახველობითი ფერი ბუნებრივი ელემენტებითაა შთაგონებული — მდინარის კენჭებით, ქარიშხლიანი ცისა და მთებს შორის ჩაწოლილი დილის ნისლით.
მზის ქვა (Sunstone)
ცოტაოდენი ბზინვარება გსურთ? „მზის ქვა“ იდეალური ნეიტრალური ტონია მოციმციმე აქცენტით. ეს თბილი ფერი ატმისფერსა და ბეჟის მიჯნაზეა და გაჯერებულია დახვეწილი, ძლივს შესამჩნევი ოქროსფერი ნაწილაკებით, რომლებიც შუქს ლამაზად ირეკლავს.