როგორია შემოდგომისა და ზამთრის 9 ყველაზე ეფექტური ფერთა კომბინაცია
ნაცრისფერი + მწიფე ალუბალი
ნაცრისფერი ამინდები ხშირად მოქმედებს განწყობაზე - აქ კი ბრწყინვალე გამოსავალია: ღრმა ალუბლისფერი. ის შესანიშნავად ათბობს ცივ ტონალობას და სამოსს დიდებულ ხასიათს სძენს. მესამე აქცენტად შეიძლება აგურისფერი გამოიყენოთ, ამ სამი ფერის კომბინაცია საოცრად ელეგანტურია.
ცისფერი + მუქი მწვანე
კონტრასტები ყოველთვის მუშაობს. ნაზი ცისფერი და ჭაობისფერი/მუქი ზეთისხილისფერსთან ახლოს მყოფი მწვანე ერთმანეთს წარმოუდგენლად უხდება. იდეალური წყვილი: ცისფერი ჯემპრი + ხაკისფერ ველვეტის შარვალი.
ბეჟი + მუქი ლურჯი
კლასიკა, რომელიც არასოდეს ძველდება. თუ რთულ ფერთა თამაშისთვის მზად არ ხართ, უბრალოდ შეუხამეთ ქვედა მუქ ლურჯ ტონს ნაზი ბეჟი ზედა.მინიმალისტური, სუფთა, ძალიან მოწესრიგებული სილუეტი - დამატებითი აქცენტები თითქმის არ სჭირდება.
ვარდისფერი + ბეჟი და სპილოს ძვლისფერი
სევდიან სეზონზე თბილი, ფუმფულა ტონები განსაკუთრებულად სასიამოვნოა. რბილი ვარდისფერი კოსტიუმი ან ჟაკეტი შესანიშნავად ეწყობა ბეჟსა და სპილოს ძვლისფერ თეთრს. ეს არის „ზეფირის პალიტრა“, რომელიც განწყობას მაშინვე ამატებს სინაზეს.
მუქი ლურჯი + ნაცრისფერი
იდეალური ვარიანტი მათთვის, ვისაც სურს მშვიდი, ინტელექტუალური და საქმიანი სტილი. ნაცრისფერი ზედა, ნაცრისფერი შარვალი და მუქი პალტო - შედეგი ყოველთვის "ძვირადღირებული" ჩანს, თუნდაც ნივთები ყველაზე ბიუჯეტური იყოს.
ბურგუნდი (ღრმა ღვინისფერი) + ცისფერი
ბურგუნდი უკვე სეზონების ჰიტია და 2025–2026 წლებშიც არ კარგავს პოზიციას. ის საოცრად ერწყმის ნაზ ცისფერს - მაგალითად, ჩვეულებრივ ჯინსებს. სინამდვილეში ეს არის ერთ-ერთი ყველაზე მარტივი, მაგრამ ეფექტური დუეტი.
ალისფერი + ინდიგო
თუ ნათელი ფერები გაშინებთ, სცადეთ მათი დაბალანსება. სრულიად წითელი ჯემპრი ინდიგოსფერ კლასიკურ შარვალთან ბევრად მშვიდად გამოიყურება.შედეგი - მბრწყინავი, მაგრამ ჰარმონიული ლუქი, რომელიც ყურადღებას იქცევს, მაგრამ არა ზედმეტად.
ზეთისხილის ფერი + ყავისფერი
ზეთის ხილისფერი უკვე რამდენიმე სეზონია ბოლომდე არ ტოვებს მოდის ტოპ-ფერთა სიას. მისი იდეალური პარტნიორი კი სწორედ თბილი ყავისფერია. ზეთის ხილისფერი კარდიგანი + ყავისფერი შალის შარვალი = კომფორტული, თბილი, შემოდგომის განწყობის ლუქი.
რძისფერი + ცისფერი + ყავისფერი
ერთ-ერთი ყველაზე უნივერსალური სამეული:
- რძისფერი — არბილებს და ანათებს ლუქს;
- ცისფერი — მატებს სიმსუბუქეს (ჯინსით მით უმეტეს);
- ყავისფერი პალტო — ქმნის თბილ, ბუნებრივ აქცენტს.
ეს კომბინაცია შესაფერისია როგორც სამსახურში, ისე სეირნობისას. ელეგანტურობა და დახვეწილობა ერთ სივრცეში.