გიხსნით 1 წუთში: როგორ დააკავშიროთ მეხსიერების ბარათი სმარტფონთან
Android სმარტფონები
დღევანდელი Android-ების უმეტესობა მხარს უჭერს OTG ტექნოლოგიას (On-The-Go), რაც USB-ბარათების შეერთების საშუალებას გაძლევთ.
თუ მეხსიერების ბარათს USB-A შტეკერი აქვს, დაგჭირდებათ OTG-ადაპტერი ან USB-A → USB-C გადამყვანი.
USB-C მეხსიერების ბარათები პირდაპირ ერთდება ტელეფონში - დამატებითი არაფერი სჭირდება.
შეერთების შემდეგ ეკრანზე გამოჩნდება შეტყობინება ახალი მეხსიერების მოწყობილობის შესახებ და თქვენ შეძლებთ ფაილების გახსნას „Files“ აპიდან ან ნებისმიერი ფაილ-მენეჯერით.
iPhone
iPhone-ზე მეხსიერების ბარათი უნდა იყოს iOS-თან თავსებადი და ჰქონდეს Lightning ან USB-C შტეკერი (მოდელის მიხედვით). ყველაზე უსაფრთხო ვარიანტია MFi-სერტიფიცირებული მეხსიერების ბარათები (Made for iPhone).
შეერთების შემდეგ უბრალოდ შედიხართ „Files“ აპში და მუშაობთ ფოტოებთან, ვიდეოებთან და დოკუმენტებთან.
მეხსიერების ბარათის ფორმატი - ძალიან მნიშვნელოვანია
სმარტფონმა რომ ამოიცნოს მეხსიერების ბარათი, მისი ფორმატი უნდა შეესაბამებოდეს სისტემას:
Android ჩვეულებრივ კითხულობს FAT32, exFAT და ზოგ შემთხვევაში NTFS ფორმატებს.
iPhone მუშაობს FAT32 ან exFAT ფორმატზე.
თუ მეხსიერების ბარათი სხვანაირად არის ფორმატირებული, ტელეფონი მას ვერ ამოიცნობს - მოგიწევთ წინასწარ გადაფორმატება.