მოდაშია "სოფლური რომანტიკა": Pinterest-მა დაასახელა 2025 წლის შემოდგომის მთავარი ტურისტული ტრენდები
Pinterest-ის ახალი ანგარიში — The 2025 Fall Trend Report — ამ სეზონის ყველაზე საინტერესო მიმართულებებს გვაცნობს. როგორც აღმოჩნდა, შემოდგომის მთავარი ტრენდი გახდა სოფლური რომანტიკა და დასვენება ბუნებასთან ახლოს, განსაკუთრებით ევროპაში.
„ამ შემოდგომაზე Pinterest-ის მომხმარებლები ცდილობენ საკუთარი გვერდები შეავსონ ოქროსფერ მინდვრებში გასეირნებისა და მზიანი თავგადასავლების ფოტოებით. იქნება ეს შვეიცარიის ალპური სოფლების სილამაზე, ბრაზილიის ბუნებისა და ქალაქის ენერგიის ნაზავი, თუ საბერძნეთის ანტიკური ნანგრევები და მზის ჩასვლის საოცარი ფერები — ადამიანები განსაკუთრებულად აფასებენ შემოდგომის მოგზაურობებს. სოფლური სტილის მოდის ზრდასთან ერთად აშკარაა: 2025 წლის შემოდგომა არის მოგზაურობის, მოდის და უნიკალური შთაბეჭდილებების დრო,“ — ნათქვამია კვლევაში.
ყველაზე ტრენდული მიმართულებები
შვეიცარია — სოფლური დასვენების პოპულარობა გაიზარდა 367%-ით. ალპური სოფლები ტურისტებისთვის ნამდვილი მიმზიდველობაა.
შოტლანდია — +73% ინტერესის ზრდა, განსაკუთრებით სოფლის მხარეების მიმართ.
გერმანია — +59% ზრდა, რაც ადგილობრივ ტრადიციებსა და ბუნებრივ ლანდშაფტებს უკავშირდება.
ინგლისის სოფლის კოტეჯები — მოთხოვნა ამ თემაზე Pinterest-ზე გაიზარდა 814%-ით!
ბრაზილია — ბუნებრივი საოცრებები და ღამის ცხოვრება ტურისტებს განსაკუთრებულად იზიდავს.
საბერძნეთი — განსაკუთრებული პოპულარობით სანტორინი სარგებლობს შემოდგომაზე, როცა აღარ არის ცხელა და ზაფხულის ტურისტული აურზაურიც ჩაცხრა.
თუ ადრე შემოდგომა უფრო მშვიდი სეზონი იყო ტურიზმისთვის, ახლა ის იქცა ნამდვილ რომანტიკულ პერიოდად — როცა ადამიანები სიმშვიდეს, ბუნებას, ფერად ქალაქებსა და ავთენტურ გამოცდილებებს ეძებენ.