როგორ შევქმნათ „ჯადოსნური მტვრის“ ეფექტის მანიკიური: 2025 წლის მთავარი ტრენდი - rogor.ge

რა არის „ჯადოსნური მტვრის“ მანიკიური?

ეს ტრენდული მანიკიური გულისხმობს მბზინავ საფარს, რომელიც ჰგავს „საპნის ეფექტის“ მქონე ლაქს, მაგრამ დამატებით შეიცავს რბილ, მეტალის ან მბზინავ ნაწილაკებს.

იგი განსხვავდება ტრადიციული გლიტერისგან, რადგან არ აქვს მკვეთრი და მძიმე მოციმციმე ეფექტი. პირიქით, ლაქი რჩება ნახევრად გამჭვირვალე და აძლევს ფრჩხილებს ბუნებრივ, ჰაეროვან და დახვეწილ ბზინვარებას.

რომელი ფერებია ყველაზე შესაფერისი?

ტენდენციის მიხედვით, „ჯადოსნური მტვრის“ მანიკიური ძირითადად ნაზი და დელიკატური ფერებით იქმნება. საუკეთესო ვარიანტებია:

✔ რძისფერი ტონები – კლასიკური, უნივერსალური და ნატურალური ფერი, რომელიც იდეალურია ყოველდღიური ლუქისთვის.

✔ პასტელური მეტალიკები – ოქროსფერი, ვერცხლისფერი და შამპანურის ელფერები, რომლებიც ფრჩხილებს მეტ სიღრმესა და ბზინვარებას მატებს.

✔ მკვეთრი ვარდისფერი და ატმისფერი ტონები – განსაკუთრებული ნაზი და რომანტიკული მანიკიურისთვის.

✔ ცისფერი და მეწამული მოციმციმე ეფექტით – თბილი და ცივი ტონების სინთეზი, რომელიც განსაკუთრებულ ბზინვარებას ანიჭებს ფრჩხილებს.

როგორ გავაკეთოთ „ჯადოსნური მტვრის“ მანიკიური?

ამ მანიკიურის მთავარი უპირატესობა ისაა, რომ მის გაკეთებას სახლის პირობებშიც მარტივად შეძლებთ.

გადადგით შემდეგი ნაბიჯები:

1️⃣ ფრჩხილების მომზადება

მანიკიურის ბზინვარება სრულყოფილად რომ გამოჩნდეს, მნიშვნელოვანია ფრჩხილების ზედაპირის მომზადება. გაათანაბრეთ ფრჩხილის ფირფიტა პოლირების საშუალებით და წაუსვით გამჭვირვალე ბაზა.

2️⃣ ლაქის შერჩევა

არჩევანი უნდა შეაჩეროთ გლუვ, მაგრამ მბზინავ ლაქზე, რომელიც არ შეიცავს მძიმე გლიტერის ნაწილაკებს. შეგიძლიათ გამოიყენოთ როგორც გელ-ლაქი, ასევე ჩვეულებრივი ლაქები ნაზი შეფერილობებით.

3️⃣ ლაქის დატანა

სასურველი შედეგის მისაღწევად, დატანეთ ლაქი 1 ან 2 თხელ ფენად. ეს დაგეხმარება ბზინვარების ინტენსივობის კონტროლში.

4️⃣ ფრჩხილების გაფორმება (სურვილისამებრ)

თუ უფრო ეფექტური მანიკიური გინდა, შეგიძლია დაამატოთ პატარა მძივები, მარგალიტები ან მბზინავი ნაწილაკები, რომლებიც თქვენს ფრჩხილებს მეტ დახვეწილობას შესძენს.

5️⃣ ფიქსაცია ტოპ-ქოთით

ბოლოს, ფრჩხილებს გადაუსვით ტოპ-ლაქი, რომელიც დამატებით სიპრიალეს მიანიჭებს და გაახანგრძლივებს მანიკიურის სილამაზეს.