რა უნდა გააკეთოთ, თუ სხვა სამყაროში გაიღვიძეთ: 3 რჩევა ფენტეზის ავტორებისგან
თქვენ აღმოჩნდით ციხესიმაგრეში დრაკონებთან
წიგნის „თუ მოვხვდი, მოვხვდე“ ავტორი რინა ბეჟ თვლის, რომ კომუნიკაცია კონფლიქტით არ უნდა დაიწყოთ. ჯობს მშვიდობიანი მარშრუტით იაროთ, მიმოიხედოთ გარშემო და დაამყაროთ კონტაქტები. საშიშ დრაკონებთან აღმოჩნდება რამდენიმე მეგობრული ადამიანიც, რომლებთანაც სასიამოვნო იქნება საუბარი. შეეცადეთ დაუმეგობრდეთ მათ, ერიდეთ ციხეში ინტრიგებს, შემდეგ კი ჩვენს სამყაროში დაბრუნების გეგმა აუცილებლად დაიბადება.
ცეცხლი და სისხლი ტარგარიენთა გავლენიანი საგვარეულოს აღზევება ცეცხლით დაიწყო _ ცეცხლისმფრქვეველი დრაკონები იყვნენ მათი ძლიერების საყრდენი. ცეცხლში ჩაიბუგა ყველა ურჩი და მათი დიდებული ციხე-დარბაზები, მიწები _ ზოგი აყვავებული, ზოგი კი მწირი. დრაკონების ცეცხლში ქვებიც კი იწვოდა. გადიოდა ხანი და ტარგარიენები მრავლდებოდნენ. მრავლდებოდნენ მათი შთამომავლებიც... რკინის ტახტი ანდამატივით იზიდავდა ყველას _ და ძმას წაეკიდა, შვილი _ მშობლებს, შურმა და შუღლმა დაასუსტა ერთ დროს უძლეველი ტარგარიენები და დაიწყო დასასრული…
თქვენ გაიღვიძეთ სხვა ადამიანის სხეულში
თქვენ ახალგაზრდა და გაბედული საშუალო რგოლის მენეჯერი ხართ, მაგრამ ხანდახან თქვენი სამუშაო იმდენად მოსაწყენი ხდება, რომ გსურთ ყველაფრის მიტოვება. ახლა კი თქვენი სურვილი ახდა - იღვიძებთ დიდებულ ციხესიმაგრეში. ვიღაც უცნობი მამაკაცი ამბობს, რომ თქვენი ქმარია და მსახურები გეძახიან "ქალბატონოს". მოუსმინეთ და მხოლოდ ამის შემდეგ გადაწყვიტეთ როგორ მოიქცეთ. დააკვირდით, რა მინიშნებებს მოგცემთ ბედი. გარდა ამისა, სხვა ადამიანის სხეულში ყოფნა საკმაოდ სასაცილო გამოცდილებაა. რატომ არ უნდა ისარგებლოთ ამით?
"კაზ ბრეკერი და მისი გუნდი ისეთ სახიფათო საქმეში ჩაებნენ, თავადაც არ ეგონათ ცოცხლები თუ გამოძვრებოდნენ. თუმცა მსუყე ნადავლის მოხელთების ნაცვლად, გადარჩენისთვის ბრძოლა უწევთ. კუთხეში მიმწყვდეულები და დასუსტებულები ფულის, მოკავშირეებისა და იმედის ნაკლებობას განიცდიან. კეტერდამში მთელი მსოფლიოდან სხვადასხვა ძალები იყრის თავს, რათა იურდა პარემად ცნობილი საშიში ნარკოტიკის საიდუმლოს ფარდა ახადონ. ძველი მეტოქეები და ახალი მტრები კაზის გამჭრიახობის საპირწონედ და გუნდის მყიფე ერთგულების გამოსაცდელად ჩნდებიან. ქალაქის ბნელ და დახლართულ ქუჩებში ომი იწყება – ბრძოლა შურისძიებისა და საზღაურისთვის, რომელიც გრიშების სამყაროს ბედს გადაწყვეტს."
თქვენ აღმოჩნდით თქვენი საყვარელი წიგნის ზღაპრულ სამყაროში
და სინამდვილეში იქ არც ისე მაგარია. ანა შნაიდერი, ფენტეზის ავტორი "მე გამოგიგონე შენ", გვირჩევს ვიფიქროთ იმაზე, თუ რატომ მოხვდა ადამიანი სხვა სამყაროში. შესაძლოა, გულის სიღრმეში ნამდვილად გინდოდათ მოსაწყენი რეალობის განდევნა და თავგადასავლები. ეცადეთ, მაქსიმალურად გამოიყენოთ თქვენი სიტუაცია: დატკბით სუფთა ჰაერით, ჩაიცვით მხიარული ტანსაცმელი, სცადეთ ყველა ჯადოსნური რამ, რაც ხელთ მოგხვდებათ. აუცილებლად იპოვით შელოცვას, რომელიც შუაღამისას პიცასა და კარტოფილს გააჩენს.
ფერა ემერანთას მარწუხებს დაუსხლტა და გაზაფხულის სამეფოში დაბრუნდა. თუმცა ამისათვის მან დიდი საფასური გადაიხადა. მართალია, ფერა ახლა უკვე მაღალი ფეის ძალების მფლობელია, გულით ის მაინც ადამიანია; სწორედ ამიტომ ვერ ივიწყებს იმ სისასტიკეს, რომელიც ტემლინის ფერიების გადასარჩენად ჩაიდინა. ფერას არც რისენდთან, ღამის სამეფოს თავზარდამცემ მაღალ ლორდთან, დადებული გარიგება დავიწყებია.