დღეში მხოლოდ 10 ევრო. ევროპის რომელ ქალაქებშია ცხოვრება ყველაზე იაფი?
კრაკოვი, პოლონეთი
პოლონეთი ევროპის ერთ-ერთი ყველაზე ხელმისაწვდომი ქვეყანაა. აქ შეგიძლიათ ნახოთ ყველაფერი - განსაცვიფრებელი არქიტექტურა მდიდარი ისტორიით, ჰაბები და სამუშაო ადგილები, თანამედროვე ინფრასტრუქტურა, კვების ობიექტები.
მიუხედავად იმისა, რომ ბოლო წლებში კრაკოვი გახდა კიდევ უფრო პოპულარული ქალაქი, ის მაინც იაფია ევროპის სხვა ქალაქებთან შედარებით. საკვები დღეში მხოლოდ 10 ევრო დაგიჯდებათ. კრაკოვში შეგიძლიათ ბინის დაქირავება თვეში დაახლოებით 680 ევროდ. ქალაქი ასევე რეგულარულად მასპინძლობს ბევრ უფასო ღონისძიებას.
ტალინი, ესტონეთი
თუ ეძებთ ხელმისაწვდომ ევროპულ ქალაქს ზღაპრული ატმოსფეროთი, ტალინი შესაძლოა თქვენთვის საუკეთესო ადგილი იყოს. ტალინში ქირა შედარებით დაბალია. ამრიგად, ბინების გაქირავების ღირებულება თვეში 200-750 ევროს ფარგლებში მერყეობს. ტრანსპორტის ხარჯებიც საკმაოდ დაბალია. ვინაიდან ტალინი პატარა ქალაქია, გასართობები ერთმანეთისგან ფეხით სავალ მანძილზეა და ქალაქში ორგანიზებული მრავალი ღონისძიება სრულიად უფასოა.
რიგა, ლატვია
ლატვია ბალტიისპირეთის კიდევ ერთი ლამაზი ქვეყანაა, მყუდრო ქალაქებით. ხოლო მისი დედაქალაქი რიგა ერთ-ერთი ყველაზე ხელმისაწვდომი ადგილია ევროპაში. რიგაში სასტუმროებსა და ჰოსტელებში ოთახები 15 ევროდან იწყება. ერთ ოთახიანი ბინის დაქირავება შეგიძლიათ თვეში 300-700 ევროს ფარგლებში. რაც შეეხება საკვებს, რიგას აქვს ბევრი ხელმისაწვდომი სასადილო ვარიანტი, ქუჩის კვებიდან დაწყებული, იაფი რესტორნებით დამთავრებული.
ლისაბონი, პორტუგალია
მიუხედავად იმისა, რომ ლისაბონში ცხოვრების ღირებულება უფრო მაღალია, ვიდრე პორტუგალიის სხვა ქალაქებში, მისი ფასი მაინც საკმაოდ დაბალია ევროპის სხვა დედაქალაქებთან შედარებით. საკვები და ტრანსპორტი შედარებით იაფია. ერთ ოთახიანი ბინის დაქირავება პატარა ქალაქში ან ქვეყნის ცენტრალურ ნაწილში იწყება თვეში 350 ევროდან, ორ ოთახიანი ბინის - 700 ევროდან.
რაც შეეხება საკვებს, ამ ქალაქში სხვადასხვა ვარიანტია, ქუჩის კვებით დაწყებული, რესტორნებით დამთავრებული. ლისაბონში ასევე ხელმისაწვდომია განსატვირთი აქტივობების ფართო სპექტრი: თვალწარმტაცი პარკები, მუზეუმები, გალერეები.
პრაღა, ჩეხეთი
თუ თქვენ ეძებთ ხელმისაწვდომ ევროპულ ქალაქს, რომელიც მდიდარია ისტორიით და კულტურით, ერთ-ერთი ასეთია პრაღა. ჩეხეთის დედაქალაქი გამოირჩევა საინტერესო არქიტექტურით, მრავალფეროვანი სასადილოებით და დისტანციური მუშაობის შესაძლებლობებით.
პრაღაში ცხოვრების ღირებულება საკმაოდ ხელმისაწვდომია. მაგალითად, შეგიძლიათ იპოვოთ სტუდიოს ტიპის ბინა ქალაქის ცენტრში თვეში 700 დოლარზე ნაკლებ ფასად. და ადგილობრივი ვებსაიტები, რომლებიც წერენ რესტორნის "მიმოხილვებს", აქ შეგიძლიათ კვება 10 ევროზე ნაკლებ ფასად. თუ საჭმელს ადგილობრივი სუპერმარკეტებიდან იყიდით და თავად მოამზადებთ, ეს კიდევ უფრო იაფი დაგიჯდებათ.
