როგორ მისცეთ სწორად ბავშვს ჯიბის ფული - rogor.ge

მიეცით ფული განსაზღვრულად

საზიანოა, რომ ბავშვს თანხა მისცეთ მხოლოდ კონკრეტული რამისთვის. ასეთ დროს მას არ აქვს შანსი დამოუკიდებლად შეაფასოს საკუთარი საჭიროებები და არც მოტივაცია, რომ საჭიროებები პრიორიტეტების მიხედვით დაალაგოს. იმავდროულად, ჯიბის ფულის მთავარი დანიშნულებაა სწორად ასწავლოს ბავშვს ფინანსების მართვა - ხარჯების დაგეგმვა, მთავარი და მეორეხარისხოვანის გარჩევა, დანაზოგი. ამიტომ როდესაც ფულს აძლევთ, უნდა უთხრათ: "მოდით გამოვთვალოთ, რამდენი ფული დაგჭირდებათ ხვალ და რისთვის". შემდეგ მას შეეძლება განსაზღვრა, როგორ უნდა დახარჯოს.

მიეცით ჯიბის ფული კვირაში ან თვეში ერთხელ

ბიუჯეტის განკარგვის ერთ-ერთი საუკეთესო გზაა ჯიბის ფულის არა ყოველდღიური, არამედ ყოველკვირეული ან თუნდაც (თინეიჯერების შემთხვევაში) ყოველთვიური გაცემა. ბუნებრივია, თქვენ უნდა გადახვიდეთ ამ ეტაპზე მას შემდეგ, რაც გაარკვიეთ ხარჯების დაყოფა.

არ ინერვიულოთ, თუ აღმოჩნდება, რომ თქვენმა შვილმა თანხა ნაადრევად დახარჯა

ეს ბევრს ემართება, ბავშვები ჯერ ახლა სწავლობენ ფულის მართვას, ამიტომ ისინი არ არიან დაზღვეულები შეცდომებისგან. მთავარია იმაზე მეტის დახარჯვა არ მოუნდეთ, ვიდრე მიეცით. წინააღმდეგ შემთხვევაში დატოვეთ რამდენიმე დღე ფულის გარეშე, ცუდი არაფერი მოხდება, მაგრამ კარგი გაკვეთილი იქნება.

თუ, მიუხედავად ამისა, ბავშვს ჯერ კიდევ აქვს გარკვეული ხარჯები, რისთვისაც მეტი ფული არ აქვს, მიეცით თანხა, თითქოს "კრედიტით", არ დაგავიწყდეთ გაფრთხილება, რომ ამ თანხას გამოაკლებთ შემდეგზე ფულის მიცემისას. ყოველთვის გაეცით ჯიბის ფული მკაფიოდ განსაზღვრულ ვადაში, არც ადრე და არც მოგვიანებით. თუ ფულს სხვადასხვა დროს სხვადასხვა ოდენობით აძლევთ, ამან შეიძლება ბავშვი დააბნიოს.

ფულის ღირებულების დემონსტრირება

თავდაპირველად ბავშვები იღებენ ჯიბის ფულს განსაკუთრებული ღირებულებების გარეშე, მაგრამ რაც უფრო იზრდება ბავშვი, მით უფრო მნიშვნელოვანია მას ჩაუნერგოთ იდეა, რომ დაფინანსება არ არის უპირობო უფლება, არამედ შესაძლებლობა, რომელიც დიდწილად დამოკიდებულია თავად ბავშვზე. მაგალითად, თქვენს შვილს შეუძლია ყოველი კვირა დაიწყოს ნულოვანი ბალანსით და გამოიმუშაოს ჯიბის ფული შაბათ-კვირას, თუნდაც სახლის დალაგებაში, ან სხვა სასარგებლო საქმის გაკეთებაში.

იხელმძღვანელეთ მაგალითით

„ნუ ზრდით შვილებს, ისინი მაინც თქვენნაირები იქნებიან. გაანათლეთ საკუთარი თავი." - ძველი ბრიტანული გამონათქვამი. ასწავლეთ შვილს ფულის განკარგვა. მათ უნდა ნახონ, როგორ ანაწილებთ ხელფასს ხარჯების პუნქტების მიხედვით: გადაიხადეთ კომუნალური გადასახადები, გამოყავით გარკვეული თანხა საკვებისა და ტანსაცმლისთვის. თქვენ შეგიძლიათ ჩართოთ თქვენი შვილი ოჯახური დასვენების დაგეგმვაში.

წაახალისეთ ქველმოქმედებით

მშობლების მხრიდან მნიშვნელოვანია ამ შესაძლებლობაზე ყურადღების მიქცევა, რადგან ბავშვებს ხშირად სჯერათ, რომ ძალიან პატარები არიან ვინმეს დასახმარებლად. ქველმოქმედება ხელს უწყობს სოციალური პასუხისმგებლობის ჩამოყალიბებას, რაც თავის მხრივ, ზრდის ბავშვის პასუხისმგებლობის დონეს. მომავალში ეს დადებითად აისახება ფულთან ურთიერთობასა და ზოგადად მათ ცხოვრებაზე.