როგორ მოვამზადოთ 5 გამაახალგაზრდავებელი სახის ნიღაბი იმისგან, რაც მაცივარში გაქვთ - rogor.ge

შოკოლადის ნიღაბი

შავი შოკოლადი მდიდარია ანტიოქსიდანტებით, რომლებიც კანს ბზინვარებას ანიჭებს, ყველასათვის საყვარელი პროდუქტი კი სიხარულის ჰორმონს – სეროტონინს შეიცავს. ამიტომ შოკოლადის ნიღაბი არა მხოლოდ გალამაზებთ, არამედ გაგახარებთ.

• 1/2 ჭიქა კაკაოს ფხვნილი;
• 3 სუფრის კოვზი შვრიის ფაფა;
• 4 სუფრის კოვზი კრემი;
• 1/4 ჭიქა თაფლი.

როგორ მოამზადოთ:

1. შეურიეთ ყველა ინგრედიენტი;
2. წაისვით მცირე ფენა სახეზე;
3. გააჩერეთ დაახლოებით 10 წუთი;
4. ჩამოიბანეთ.

კვერცხის თეთრი ნიღაბი

მარტივი, მაგრამ ეფექტური ნიღაბი, რომელიც ხელს უწყობს ფორების შეკვრას. ამისთვის საჭიროა მხოლოდ 1 ქათმის კვერცხი.

როგორ მოამზადოთ:

• გაიწმინდეთ სახე თბილი წყლით, რათა გახსნათ ფორები;
• გატეხეთ კვერცხი და გამოაცალეთ ცილა გულისაგან;
• სუფთა ხელებით წაისვით ცილა სახეზე, ფრთხილად იყავით, რომ თვალებში არ მოგხვდეთ;
• გააჩერეთ 15 წუთი.

ჯანჯაფილის და ყავის ნიღაბი

ჯანჯაფილის და ყავის ნიღაბი კოფეინის შემცველობის გამო ამცირებს ანთებას და შეშუპებას, ხოლო კურკუმაში შემავალი ანტიოქსიდანტები კანს ბზინვარებას მისცემს.

• 1 სუფრის კოვზი ხსნადი ან დაფქული ყავა;
• 1 სუფრის კოვზი ჯანჯაფილის ფხვნილი;
• 1 სუფრის კოვზი ბერძნული იოგურტი.

როგორ მოამზადოთ:

1. შეურიეთ ყველა ინგრედიენტი;
2. წაისვით მთელ სახეზე, მათ შორის თვალების ქვეშ;
3. დატოვეთ 20 წუთი;
4. გაიმშრალეთ თბილი ნესტიანი პირსახოცით.

ბანანის ნიღაბი

ბანანი შეიცავს უამრავ საკვებ ნივთიერებას, ამიტომ ბანანის სახის ნიღაბი შესანიშნავი საშუალებაა კანის დასატენიანებლად. დაგჭირდებათ:

• რამდენიმე ცალი მწიფე ბანანი;
• 1 სუფრის კოვზი სქელი იოგურტი;
• 1/2 სუფრის კოვზი ახალი ლიმონის წვენი.

როგორ მოამზადოთ:

1. მწიფე ბანანი გახეხეთ კოვზით;
2. ყველა ინგრედიენტი კარგად აურიეთ;
3. გაიწმინდეთ სახე თბილი წყლით;
4. წაისვით კანზე და ნაზად შეიზილეთ კანი 2-3 წუთის განმავლობაში;
5. გაიჩერეთ ნიღაბი 25-30 წუთის განმავლობაში;
6. გაიმშრალეთ თბილი ნესტიანი პირსახოცით.

მარწყვის ნიღაბი

მარწყვი მდიდარია A, B, C ვიტამინებით და ასევე შეიცავს სხვადასხვა ხილის მჟავებს, რომლებიც ხელს უწყობს კანის ზედა ფენის აქერცვლას და ხდის მას გლუვს. მარწყვი გამოიყენება კოსმეტოლოგიაში გამაახალგაზრდავებელი და დაბერების საწინააღმდეგო ეფექტისთვის. დაჭირდებათ:

• 10 ცალი ახალი მარწყვი;
• 1/4 ჭიქა ფუტკრის მტვერი (დინდგელი);
• 3 სუფრის კოვზი ნატურალური თაფლი;
• 1 სუფრის კოვზი ზეითუნის ზეთის მაიონეზი;
• რამდენიმე წვეთი ლავანდის ეთერზეთი, სურვილისამებრ.

როგორ მოვამზადოთ:

1. შეურიეთ ყველა ინგრედიენტი;
2. წაისვით სახეზე, მოარიდეთ თვალის მიდამოებს;
3. დაიტოვეთ 20 წუთი;
4. ჩამოიბანეთ თბილი წყლით.