როგორ მოვამზადოთ გოზინაყი
ნიგოზი დაყარეთ საცხობ სინზე და შედეთ ღუმელში. მოხალეთ და ოდნავ გააგრილეთ, შემდეგ მოაშორეთ ნაფცქვენები. ბასრი დანით დაჭერით პატარა ნაჭრებად.
ღრმა სქელი ქვაბი დადგით დაბალ ცეცხლზე და ჩაასხით თაფლი. ქაფს რომ გაიკეთებს, გადმოდგით ცეცხლიდან ცოტა ხნით. შემდეგ ისევ დააბრუნეთ ცეცხლზე. ურიეთ, დარწმუნდით, რომ თაფლი არ დაიწვება.
პერიოდულად შეამოწმეთ. უნდა ჩამოყალიბდეს მკვრივი მასა, რომელიც არ დაიშლება. თაფლი უნდა აგორგოლავდეს თითებს შორის. ასევე, შემოწმება შეგიძლიათ ცივ წყალში თაფლის ჩაწვეთებით. თაფლი ბურთულასავით უნდა ჩავარდეს და არ დადნეს.
დაჭრილი ნიგოზი ჩაყარეთ თაფლში, აურიეთ და განაგრძეთ მოშუშვა. 30-40 წუთის შემდეგ გადმოდგით ცეცხლიდან.
დაასველეთ ხის დაფა ცივი წყლით. გადაიტანეთ ცხელი გოზინაყი დაფის ზედაპირზე და სწრაფად გააბრტყელეთ წყალში დასველებული გასაბრტყელებელი ჯოხით.
როდესაც გაგრილდება, ბასრი დანით დაჭერით ლამაზ რომბებად. როცა მთლიანად გამაგრდება, დაფიდან ფრთხილად აიღეთ დანით და დაალაგეთ ლანგარზე.
მრავალ ახალ წელს დაესწარით!