როგორ გავააქტიუროთ Autocorrect-ი სმარტფონში ტექსტების გამართულად წერისთვის
Android-ის კლავიატურის ნაგულისხმევ პარამეტრებზე გადასასვლელად შედით პარამეტრებში და შემდეგ აირჩიეთ სისტემა, ენები და შეყვანა, ეკრანის კლავიატურა, Gboard და ტექსტის კორექტირება. აქ შეგიძლიათ ჩართოთ ან გამორთოთ ავტომატური კორექტირება, პროგნოზირებადი ტექსტი (წინადადების ზოლის ჩვენება) და შეცვალოთ სხვა ვარიანტები — შეგიძლიათ თავიდან აიცილოთ შეურაცხმყოფელი სიტყვების შეთავაზება, აკონტროლოთ, შეუძლია თუ არა Android-ს ნახოს თქვენი კონტაქტების სია, რომ შეამოწმოს სახელები, რომლებიც შესაძლოა აკრიფოთ.
თქვენს პირად ლექსიკონში სიტყვების დასამატებლად - რაც გავლენას მოახდენს ავტოკორექტირებაზე - ეკრანზე ტექსტის კორექტირების ნაცვლად აირჩიეთ პერსონალური ლექსიკონი, შემდეგ ენა, რომელსაც ამჟამად იყენებთ და შეეხეთ + (პლუს) ღილაკს ზედა მარჯვენა კუთხეში, რომ დაამატოთ შესაბამისი სიტყვა.
აიფონზე გადადით პარამეტრებში, სადაც შეგიძლიათ ჩართოთ ან გამორთოთ ავტომატური კორექტირება. ორთოგრაფიული შეცდომები კვლავ მონიშნული იქნება, თქვენ გექნებათ წვდომა შემოთავაზებულ ჩანაცვლებებზე, თუმცა ისინი ავტომატურად არ იქნება გამოყენებული.
თუ თქვენ იღებთ უამრავ პროგნოზირებად ტექსტურ წინადადებას, რომლებიც არარელევანტური ან არასწორია, სამწუხაროდ, ბევრი რამის გაკეთება არ შეგიძლიათ, რათა შეძლოთ მათი კონკრეტული რედაქტირება. რაც შეგიძლიათ გააკეთოთ არის ლექსიკონის დაბრუნება თავდაპირველ მდგომარეობაში: პარამეტრებიდან აირჩიეთ ზოგადი, შემდეგ კლავიატურის ლექსიკონის გადატვირთვა.
ასევე, არსებობს ტექსტის ჩანაცვლების ფუნქცია iOS-ში, რომლზეც წვდომა გექნებათ პარამეტრებიდან General, Keyboard და Text Replacement-ზე შეხებით. ეს შეიძლება გამოყენებულ იქნას როგორც ერთგვარი ავტომატური კორექტირების ჩანაცვლება: ჩაწერეთ ფრაზა, რომელიც გსურთ.
წყარო: wired.com