როგორ დავამწნილოთ კომბოსტო ქილაში, ხრაშუნა და წვნიანი რომ გამოვიდეს - 30 წლიანი რეცეპტი
დამწყებთათვის რჩევა: უმჯობესია აირჩიოთ კომბოსტოს ზამთრის ჯიშები. ასეთ თავებს აქვთ შაქრის მაღალი კონცენტრაცია, მათი ფოთლები მჭიდრო და მკვრივია. გარეცხეთ კომბოსტო, ამოიღეთ მისგან მყარი ზედა ფურცლები, ამოიღეთ ბირთვი.
გარეცხეთ სტაფილო, გახეხეთ სახეხზე. კომბოსტო გაჭერით შუაზე ან მეოთხედად და ერთი ნაწილი დანით წვრილად დაჭერით, მეორე კი გახეხეთ. გამოიყენეთ სპეციალური სახეხი კომბოსტოსთვის, მაშინ არ დაგჭირდებათ მისი ზომის კონტროლი.
შეურიეთ კომბოსტო და სტაფილო, დაამატეთ დაფნის ფოთოლი. ბოსტნეული სუფთა შუშის ქილაში გადაიტანეთ, ყველაფერი კარგად დაპრესეთ, რომ სიცარიელე არ დარჩეს.
ცალკე კონტეინერში შეურიეთ 1,5 ლიტრი მდუღარე წყალი მარილით. მარილი წყალში უნდა გაიხსნას. ამ ნარევს დაუმატეთ სავსე ჩაის კოვზი თაფლი. მარილწყალი უნდა გაცივდეს და შემდეგ დაასხით კომბოსტოს. კომბოსტოს ქილა ჩადეთ ღრმა თასში. ეს უნდა გაკეთდეს იმ შემთხვევაში, თუ მარილწყალი იწყებს გადინებას. უმჯობესია კომბოსტოს ქილა ღუმელთან ან ნებისმიერ სხვა თბილ ადგილას მოათავსოთ. დააფარეთ ქილას თავსახური ნახვრეტებით ან მარლით ისე, რომ კომბოსტო "ისუნთქოს".
მეორე დღეს კომბოსტო უნდა ჩაჩხვლიტოთ ხის თხელი ჩხირით, ან შამფურით. ამ მოქმედების წყალობით ქილიდან გამოდევნით ჰაერს, რომელიც წარმოიქმნება დუღილის დროს. ქაფი, რომელიც წარმოიქმნება მარილწყლის ზედაპირზე, ასევე უნდა მოიხსნას დუღილის პროცესის დასრულებამდე.
კომბოსტოს გასინჯვა 24 საათში იქნება შესაძლებელი, 3 დღეში კი სრულიად მზად იქნება. შეგიძლიათ შეინახოთ მაცივარში თავსახურით.
გემრიელად მიირთვით!