როგორ მოვამზადოთ ღორის ხორცი კარტოფილითა და ხახვით

ავტორი: ნოდარ ღლიღვაშვილი

ამ რეცეპტით მომზადებული ღორის ხორცი არის ძალიან გემრიელი და არომატული ვინაიდან "გამოცხობის" პროცესში კარტოფილი და ნაღები მას განსაკუთრებულ გემოს აძლევს.

საჭირო მასალები/ხელსაწყოები:

ღორის რბილი ხორცი - 700 გრამი
იასამნისფერი ხახვი - 1 ცალი
მზესუმზირის რაფინირებული ზეთი - 100 მლ
კარტოფილი - 8 ცალი
ნაღები - 200 მლ
ფქვილი - 1 სუფრის კოვზი
მარილი
პილპილი

საფეხურები

1
მოიმარაგეთ ინგრედიენტები. ამ კერძის მოსამზადებლად თქვენ დაგჭირდებათ: ღორის ხორცის რბილი, წვრილი კარტოფილი, ნაღები, იასამნისფერი ხახვი, მარილი, პილპილი, რაფინირებული მზესუმზირის ზეთი და ფქვილი.
2
დაჭერით ღორის ხორცი საშუალო ნაჭრებად და დაამატეთ მარილი და პილპილი.
3
ამოავლეთ ხორცის ნაჭრები ფქვილში.
4
შეწვით ხორცი გახურებულ ტაფაზე (ძალიან ცოტა ზეთის გამოყენებით) სანამ არ შეოქროსფერდება. გადმოიტანეთ შემწვარი ხორცი თეფშზე, დააფარეთ ფოლგა და დროებით დატოვეთ.
5
დაჭერით ხახვი როგორც სურათზეა ნაჩვენები.
6
გაფცქვენით და დაჭერით კარტოფილი - თითო 2-4 ნაჭრად ზომიდან გამომდინარე (სასურველია პატარა ზომის კარტოფილი).
7
დაამატეთ მარილი და პილპილი გემოვნებით.
8
დაიწყეთ კარტოფილის შეწვა ცხელ ტაფაზე მცირეოდენი ზეთის გამოყენებით. როგორც ხორცის შემთხვევაში თქვენი მიზანია არ შეწვათ კარტოფილი "ბოლომდე".
9
გადმოიტანეთ ხორცი, ხახვი და კარტოფილი გამოსაცხობ ფორმაში.
10
დაამატეთ ნაღები.
11
დახურეთ ფორმა ფოლგით.
12
შედგით გამოსაცხობად წინასწარ გაცხელებულ ღუმელში 180 °C-ზე დაახლოებით 40 წუთით. სუფრაზე მიიტანეთ მაშინვე როგორც კი მომზადდება. გარნირი - ახალი ბოსტნეული.