ფსიქოლოგია და ურთიერთობები

ურთიერთობები ქალთან

როგორ მოვაწონოთ თავი გოგოს

ავტორი: გიორგი მდივნიშვილი

ყველა დროის აქტუალური და საინტერესო კითხვაა თუ როგორ მოვაწონოთ თავი გოგონებს. ერთი შეხედვით რეალურად არ არსებობს კონკრეტული ფორმულა ან რიგი გარკვეული ქმედებებისა, რომლის შესრულებითაც მივიღებთ გარანტირებულ შედეგს. მაგრამ ყოველთვის შეიძლება გაზარდო საკუთარი წარმატებების შანსი გოგოებთან ურთიერთობისას. ამ საკითხზე არის დაწერილი უამრავი წიგნი, გადაღებულია ბევრი ფილმი ასე, რომ ლოგიკურია, ამ ერთ ინსტრუქციაში ვერ ჩაეტევა ყველა ის რჩევა და პრაქტიკული მაგალითი რაზეც მინდა დავწერო. ამ მიზეზით ამ კითხვაზე ეტაპობრივად საიტზე გამოქვეყნდება რამოდენიმე ინსტრუქცია. რადგან ეს არის პირველი. შეიძლება მასში თქვენთვის უკვე ბევრი ნაცნობი რამ წაიკითხოთ, მაგრამ მაინც მოდით დავიწყოთ ზოგადი რჩევებიდან:

 

საფეხურები

  1. 1 არსებობს გოგონების/ქალების სხვადასხვა ტიპი. გარდა ვიზუალური განსხვავებებისა, მათ აქვთ სხვადასხვა ინტერესთა სფეროები, ასევე განსხვავებული გემოვნება. იმისათვის, რომ მოახდინოთ თქვენს რჩეულზე შთაბეჭდილება საჭიროა გაცნობისთანავე დაიწყოთ მისი პიროვნების შესწავლა. დროთა განმავლობაში ისე უნდა მიეჩვიოთ ქალების ამოცნობას, რომ ინტუიციის დონეზე მიხვდეთ, ესა თუ ის გოგო თუ რა ტიპს მიეკუთვნება, რა სურს და ა.შ. გოგონებს მოსწონთ მიხვედრილი და გამგებიანი ბიჭები და კაცები. ქალები აფასებენ, როცა კაცი ხვდება თუ რა სურთ მათ.
  2. 2 იყავი ყურადღებით და შეგეძლოს მოსმენა. მნიშვნელოვანია იყო კონცენტრირებული. თითქოს უმნიშვნელო დეტალმა და უბრალოდ ნათქვამმა სიტყვამ ბევრი რამის ცნობა მოგცეთ იმ ადამიანზე რომელიც მოწგონთ. დაუკვირდით, თუ რა მოსწონს მას, რა იტაცებს, რითი არის დაინტერესებული, მოაყოლეთ მას ბევრი რამ, უსმინეთ და დაიმახსოვრეთ, თქვენვე მიხვდებით თუ როდის რა სიტუაციაში გამოიყენოთ მოსმენილი ინფორმაცია.
  3. 3 იყავი მუდამ სუფთა და მოწესრიგებული! იზრუნე საკუთარ გარეგნობასა და სტილზე. გოგონების უმეტესობა ცდილობს იყოს ფორმაში და დახვეწილი, ისინიც იგივეს მოელიან მამაკაცებისგან. დაუთმე დიდი დრო ჰიგიენასა და სისუფთავეს. არ არის აუცილებელი გეცვას ძვირადღირებული ტანსაცმელი, თან გქონდეს მაღალ ფასიანი აქსესუარები, რომ შეძლო ეფექტის მოხდენა გოგოზე, მაგრამ ვერაფრით ვერ შეძლებ დააინტერესო ლამაზი და სასურველი გოგო თუნდაც ინტელექტუალური მაღალფარდოვანი საუბრებითა ან დახვეწილი იუმორით თუ არ იცვამ სუფთად, ან გაწუხებს არასასიამოვნო სუნი პირიდან.
  4. 4 სამეგობრო წრე დიდი მნიშვნელობა აქვს, თუ როგორ ხალხში ტრიალებ და ვისთან მეგობრობ. გაცნობისას თუ არა, ურთიერთობის შემდეგ ეტაპზე მაინც აუცილებლად მოგიწვს გააცნო გოგოს შენი მეგობრები. ეს მნიშვნელოვანი ეტაპია. შეეცადე პირველად შეახვედრო შენ ისეთ მეგობრებთან რომლებიც არიან მოზომილები, დახვეწილები რათქმაუნდა პატივს გცემენ. როდესაც გყავს კარგი სამეგობრო წრე, ხარ დაფასებული მათგან, ეს არის უდიდესი პლიუსი.
  5. 5 გაიცანი მისი ახლო სამეგობრო/სადაქალო. გარდა იმისა, რომ ეს დაგეხმარება უფრო მეტი გაიგო მის შესახებ, აუცილებელიც არის სულ სხვა კუთხითაც. გოგონები ყოველთვის უყვებიან ისეთ დეტალებსა და ნიუანსებს ერთმანეთს რასაც ბიჭები ნამდვილად არ ვიხსენით ერთმანეთთან. აქედან დასკვა, ხშირ შემთხვევაში მათთვის მნიშნველოვანია თუ რას ფიქრობენ დაქალები მის რჩეულზე. იმისათვის, რომ პასუხი იყოს ისეთი როგორიც შენ გინდა იმოქმედე, შენ უკვე გიწევს ბრძოლა რამოდენიმე ფრონტზე. თუ გინდა გამონახო საერთო ენა გოგოსთან რომელიც მოგწონს, აუცილებელია მოახდინო დადებითი ეფექტი მის დაქალებზე. ის აუცილებლად კითხავს მათ რჩევას შენთან დაკავშირებით.
  6. 6 იყავით თავდაჯერებული! თითქოს ბანალურად ჟღერს, მაგრამ გაითვალისწინეთ, მნიშვნელოვანია იცოდეთ თუ რა გსურთ, რატომ გსურთ, როდის გსურთ. მტკიცე და ჩამოყალიბებული ხასიათი აღრთოვანებას იწვევს. ქალი მუდამ ცდილობს მამაკაცს ეკამათოს და მუდამ სურს რამე განსვხვავებული დაუმტკიცოს ქალს. არ იკამათო, უბრალოდ მოკლედ თქვი ყოველთვის საკუთარი აზრი, ახსენი მოკლედ თუ რატომ და დახურე თემა. შეეცადე არ გამოჩნდე თვითკმაყოფილი სულელივით. თუ არ ხარ დარწმუნებული რიგი თემების სისწორეში გირჩევ არ შეეხო მათ. ასევე მნიშვნეოვანია იცოდე და ჩამოყალიბებული გქონდეს რა ტიპის ურთიერთობა გსურს იმ გოგოსთან/ქალთან რომელიც მოგწონს. მამაკაცმა უნდა მისცეს ფორმა იმ ურთიერთობას რაზეც ახლა ვსაუბრობთ.
  7. 7 დახვეწილი იუმორი ნათქვამია "თუ შეძელი ქალის გაღიმება, შეძლებ მის გულის მოპოვებას." პოზიტიური ადამიანები, რომლებსაც გააჩნით ჯანსაღი იუმორის გრძნობა და მოზომილად საჭირო დროს, საჭირო სიტუაციაში მოსწრებულად ახერხებენ კითხვა პასუხს - ყოველთვის პოპულარობით სარგებლობენ გოგონებს შორის. გქონდეს საკუთარი სტილი. ნუ მოაბეზრებთ თავს ზედმეტი სიცილითა და უკბილო ხუმრობებით გოგოს. სწორად შეარჩიე დრო, ადგილი და სიტუაცია საკუთარი ტალანტის წარმოსაჩენად.
  8. 8 დაიფასე თავი ქალების ეს თვისება, რაზეც ახლა მინდა დავწერო იწვევს დიდ გაკვირვებას ჩემში. თუ მოგწონს გოგო, რომელსაც აქცევ ყურადღებას, ცდილობ ამგვარად დაუახლოვდე და მზრუნველობით გაანებივრო და ასე დაიმსახურო მისი ნდობა - ერთი შეხედვით ყველაფერს კარგად აკეთებ და გგონია, რომ სწორად იქცევი, მაგრამ მინდა გითხრა, რომ არასწორ გზას ადგახარ. დიდი დროა საჭირო ამისათვის, რომ სათანადოდ დაგიფასდეს გაწეული ამაგი და ისიც კითხვის ნიშნის ქვეშაა იქნება თუ არა ასე. ის გოგო, რომელიც მოგწონს, იყავი მასთან ყოველთვის მოზომილი. არ არის საჭირო და აუცილებელი ზედმეტი თავის გამოდება. მითუმეტეს გახსოვდეთ, არის ქალების კატეგორია - უმეტესობა, რომელიც მიუხედავად იმისა, რომ შეიძლება ყავდეს ბევრი ტაყვანისმცემელი, მაინც შეეცდება მოაწონოს თავი მას და იყოს მასთან ვინც აიგნორებს და მიუღწევადია მისთვის.
  9. 9 გაითვალისწინე ასაკი. მნიშვნელოვანია სწორად შეარჩიო პოზიცია. სხვადასხვა ასაკის ქალს სხვადასხვანაირი მიდგომა სჭირდება. ამასთან დაკავშირებითაც სიფრთხილის გამოჩენაა საჭირო. 25 წლის გოგოს იმავე მეთოდებით ვერ მოაწონებ თავს რითაც 16-18 წლისას, რამეთუ მათ რადიკალურად სხვადასხვა მოთხოვნები აქვთ ურთიერთობებში.