როგორ დავიცვათ ჰიგიენა მენსტურაციის პერიოდში
მენსტრუაციის დროს აუცილებელია ქალმა გარეთა სასქესო ორგანოები ჩაიბანოს თბილი წყლის ნაკადითა და საპნით. ჩაბანა საჭიროა წინიდან უკან და არა პირიქით, რათა უკანა ტანიდან არ დაინფიცირდეს გარეთა სასქესო ორგანოები. ჩაბანის წინ ქალმა ხელები უნდა დაიბანოს ჯაგრისით და საპნით. მას ფრჩხილები მოკლედ უნდა ქონდეს მოჭრილი. თუ ქალი თვიურის დროს არ ჩაიბანს, მენსტრუალური სისხლი დარჩება გარეთა სასქესო ორგანოების არეში, თმით დაფარულ ნაწილში, კანის ნაოჭებს შორის და თეთრეულზე, იქ გაიხრწნება და ხელს შეუწყობს სასქესო ორგანოების ანთების განვითარებას. ამ დროს აღინიშნება ცუდი შემაწუხებელი სუნი.
თვიურის დროს ქალმა შხაპის ქვეშ უნდა დაიბანოს ტანი და ხშირად გამოიცვალოს თეთრეული. აბაზანის მიღება მიზანშეწონილი არ არის. საშოში შესხურება, ზღვაში, ტბაში და მდინარეში ბანაობა არ შეიძლება.