ჯანმრთელობა

რჩევები

როგორ დავიცვათ თავი კოღოებისგან

ავტორი: საბა მდივნიშვილი

მთავარია, რომ კოღოები სახლში არ შემოუშვათ. ამისათვის კი არსებობს ძველი და გამოცდილი ხერხი - ყველა ფანჯარაზე უნდა ჩამოაფაროთ სპეციალური დოლბანდი. თუ ეს საკმარისი არ აღმოჩნდა და კოღოებმა ოთახებში მაინც შემოაღწიეს, მათგან თავის დაცვა უკვე რთულდება. კოღოების ნეიტრალიზება სპეციალური ხელსაწყოს - ფუმიგატორების მეშვეობით ხდება. მაგრამ თუ კოღოებმა მაინც დაგკბინეს, ქავილისა და უსიამოვნო შეგრძნებისგან თავის დასაღწევად აფთიაქებში სხვადასხვა მალამო იყიდება. თუმცა კოღოებისგან თავდაცვის რამდენიმე ხალხური საშუალებაც არსებობს.

 

საფეხურები

  1. 1 5 გრამი მიხაკი და ერთი ჭიქა წყალი 15 წუთი ადუღეთ. შემდეგ მიღებული სითხის 10 წვეთი ერთი სუფრის კოვზ ნებისმიერ ოდეკოლონთან შეაზავეთ და სხეულის ღია უბნებზე წაისვით. 2 საათი წყნარად იქნებით და არც ერთი კოღო არ მოგეკარებათ.
  2. 2 თუ სხეულის ღია უბნებზე აბზინდას ნახარშს წაისვამთ, კოღო არ გაგეკარებათ. ნახარშის მოდუღება საკმაოდ იოლია - აბზინდას ფესვებს ნახევარი ლიტრი წყალი დაასხით. როდესაც განელდება, გამოიყენეთ.
  3. 3 თუ აგარაკზე მიდიხართ, ეზოში კოცონი დაანთეთ და ცეცხლში ნაძვისა და ფიჭვის გირჩები ჩაყარეთ. კოღოებს არ მოსწონთ ეს სურნელი და ახლოსაც არ გაგეკარებიან.
  4. 4 თუ კოღომ მაინც გიკბინათ ქავილს, რომელსაც კოღოს ნაკბენი იწვევს, საჭმლის სოდით დააღწევთ თავს (ნახევარი ჩაის კოვზი სოდა ერთ ჭიქა წყალზე), დაგეხმარებათ ასევე ნიშადურის სპირტი ან "მარგანცოვკის" სუსტი, ღია ვარდისფერი ნაზავი.