როგორ ჩავდგეთ ფორმაში მშობიარობის შემდეგ - rogor.ge

როგორ ჩავდგეთ ფორმაში მშობიარობის შემდეგ

 

პირველი კვირა მშობიარობის დღიდანვე ეცადეთ მენჯის ძირისა და მუცლის გაწელილი, დასუსტებული კუნთების გამაგრებას. მენჯის ძირისა და ტერფების ვარჯიში, '' ველოსიპედი", მაშინაც კარგია, თუ საკეისრო კვეთა გაგიკეთეს.

 

მენჯის ძირის ვარჯიში ყოველდღე, რაც შეიძლება ფრთხილად შეასრულეთ მენჯის ძირის ვარჯიში. რათა უნებლიე შარდვა შეგიწყდეთ. 1) იატაკზე ოთხზე დადექით. ზურგი სწორად უნდა გეჭიროთ. ( დასაწყისში შეგიძლიათ სარკეში შეამოწმოთ ხოლმე). 2) შეკუმშეთ მუცლის კუნთები, დაძაბეთ დუნდულა კუნთები და მენჯი ნელა გასწიეთ წინ, თან ამოისუნთქეთ. ამ დროს ზურგი უნდა ამოზნიქოთ. რამდენიმე წამს შეჩერდით, შემდეგ კი შეისუნთქეთ და მოდუნდით. ვარჯიში რამდენჯერმე გაიმეორეთ. თუ ნაკერები გადევთ, მენჯის ძირის გამაგრება შეხორცებაში დაგეხმარებათ.

 

''ველოსიპედი''[/b ] ეს ვარჯიში წვივების შეშუპებას ეწინააღმდეგება და სისხლის მიმოქცევას აუმჯობესებს. ტერფები კოჭის სახსარში მოხარეთ და გაშალეთ. გაიმეორეთ ყოველ საათში.

 

მუცლის ვარჯიში მუცლის კუნთების გასამაგრებლად ამოსუნთქვისას მუცელი სეკუმშეთ, რამდენიმე წამით შეიკავეთ და მოადუნეთ. ეცადეთ, რაც შეიძლება ხშირად გაიმეოროთ.

 

მშობიარობიდან მეხუთე დღეს, თუ თავს კარგად გრძნობთ, დღეში ორჯერ ეს ვარჯიშებიც შეასრულეთ: 1) გულაღმა დაწექით, თავი და მხრები ორ ბალიშზე დადეთ, ფეხები მოხარეთ და ოდნავ განზე გადგით. ხელები მუცელზე დაიკრიფეთ. 2)ასწიეთ თავი და მხრები, ამოისუნთქეთ და ხელის გულებით მსუბუქად დააწექით მუცლის ორივე მხარეს, თითქოს ხელები უნდა შეაერთოთ. რამდენიმე წამს ამ პოზაში დარჩით, შემდეგ ამოისუნთქეთ და მოდუნდით. ვარჯიში სამჯერ გაიმეორეთ.

 

მეორე კვირა მშობიარობიდან ერთი კვირის შემდეგ დაიწყეთ და სამი თვის განმავლობაში მაინც ყოველდღიურად შეასრულეთ აქ აღწერილი ვარჯიშები. თითოეული ვარჯიში იმდენჯერ გაიმეორეთ, რამდენჯერაც გესიამოვნებათ. გახსოვდეთ მენჯის ძირის ვარჯიში ან უნდა შეწყვიტოთ.

 

მოხრა 1) დაჯექით, მუხლები მოხარეთ და ოდნავ განზე გადგით. ხელები წინ, ჰაერში გადაიჯვარედინეთ. 2) ამოისუნთქეთ და თანდათან უკან გადაიხარეთ, სანამ არ იგრძნობთ, რომ მუცლის კუნთები დაგეჭიმათ. ჩვეულებრივად ისუნთქეთ და ეცადეთ, შეძლებისდაგვარად დიდხანს დარჩეთ ერთ პოზაში. შემდეგ შეისუნთქეთ და გასწორდით.

 

მენჯის ძირის შემოწმება მშობიარობიდან დაახლოებით სამი თვის შემდეგ მენჯის ძირის კუნთები კვლავ მაგარი უნდა იყოს. ამის შესამოწმებლად ხტუნვა დაიწყეთ. თუ შარდი გაგეპაროთ, კიდევ ერთ თვეს აკეთეთ მენჯის ძირის ვარჯიშები. თუ ოთხი თვის შემდეგ შარდვა კიდევ პრობლემაა, ექიმს მიაკითხეთ.