როგორ ვიკვებოთ ჯანსაღად ორსულობის დროს - rogor.ge

 

კალციუმი აუცილებელია ნაყოფის ძვლებისა და კბილების ჩამოყალიბებისათვის, რაც, დაახლოებით, მერვე კვირიდან იწყება. ასეთ დროს ჩვეულებრივზე ორჯერ მეტი კალციუმი გჭირდებათ. კალციუმის წყაროა ყველი, რძე, მაწონი და ფურცლოვანი, მწვანე ბოსტნეული. თუმცა, რძის პროდუქტები ბევრ ცხიმსაც შეიცავს, ამიტომ, თუ შესაძლებელია, შეარჩიეთ ნაკლებადცხიმიანი საკვები, მაგალითად მოხდილი რძე. დამატებითი კალციუმის მისაღებად დღეში გჭირდებათ: 85 გრ. მაგარი ყველი 170 გრ. სარდინი. 7 ნაჭერი პური 2 ჭიქა რძე.

 

ცილა ეცადეთ, ცილით მდიდარი საკვები მიიღოთ, რადგან ორსულობისას მეტი ოდენობის ცილა გჭირდებათ. ცილას შეიცავს ზეთი, ხორცი, პარკონსები და რძის პროდუქტები. ცხოველური საკვები შეიძლება ძალიან ცხიმიანი იყოს, ამიტომ იშვიათად მიირთვით. თუმცა, მჭლე ხორცზე უარს ნუ იტყვით. ერიდეთ თოხლო ან უმ კვერცხს. კვერცხის შეძენისას ყოველთვის დარწმუნდით, რომ ის ახალია.

 

ვიტამინი c ძლიერი პლაცენტის განვითარებას უწყობს ხელს, გიადვილებთ ინფექციებთან ბრძოლას და ორგანიზმს რკინის ათვისებაშიც ეხმარება. ეს ვიტამინი ორგანიზმში არ გროვდება და ამიტომ მარაგს ყოველდღიურად სჭირდება შევსება. დიდი რაოდენობით c ვიტამინი მოიპოვება ახალ ხილსა და ბოსტნეულში და ადვილად იკარგება პროდუქტის დიდი ხნით შენახვისა და თერმული დამუშავებისას. ამიტომ მხოლოდ ახალმოკრეფილი, უმი ან ორთქლზე მომზადებული მწვანე ბოსტნეული მიირთვით.

 

უჯრედისით მდიდარი საკვები თქვენი ყოველდღიური რაციონის დიდ ნაწილს უნდა შეადგენდეს. უჯრედისი ხელს უწყობს საჭმლის მონელებას და თავიდან აგარიდებთ შეკრულობას, რაც ჩვეულებრივი მოვლენაა ორსულობისას. ხილ-ბოსტნეული უჯრედისის მნიშვნელოვანი წყაროა და შეგიძლიათ ყოველდღიურად დიდი რაოდენობით მიირთვათ.

 

ფოლიუმის მჟავა ვიტამინია, რომელიც საჭიროა ბვშვის ცენტრალური ნერვული სისტემის განვითარებისათვის. ორსულობის პირველ სამ თვეს ჩვეულებრივზე სამჯერ მეტი ფოლიუმის მჟავა ნადგურდება ხანგრძლივი დამუშავებითა და დიდხანს შენახვით, თუმცა გაყინვა არ ვნებს. ამიტომ, თუ ყოველდღე ახალ-ახალ ბოსტნეულს ვერ იყიდით, გაყინული შეიძინეთ. იყიდეთ ფოლიუმის მჟავით გამდიდრებული პური და ბურღულეული, რომელთა თითო ულუფა 30- დან 100 მკგ-მდე ფოლიუმის მჟავას შეიცავს. თუმცა, სრულყოფილი კვებაც კი მთლიანად ვერ შეგივსებთ ფოლიუმის მჟავას მოთხოვნილებას. ამიტომ აუცილებელად უნდა მიიღოთ მისი შემცველი დანამატებიც. ფოლიუმის მჟავას მაღალი შემცველობის (50-100 მკგ თითო ულუფაში) პროდუქტებია: თეთრი ლობიო, ბრიუსელის კომბოსტო, ხორცის ბულიონი, მოხარშული საქონლის თირკმელი, კომბოსტოს წვნიანი, ისპანახი, სოფლის პური, ახალი კომბოსტო, ბროკოლი, მწვანე ლობიო, გაუცრელი ფქვილის პური, თხილი.

 

რკინა ძროხისა და ცხვრის მჭლე ხორცი და ცხიმიანი თევზი, მაგალითად, სარდინი, რკინის ყველაზე იოლად შესათვისებელი წყაროა. წითელი და თეთრი ლობიო, ისპანახი, გაუცრელი ფქვილის პური, ბურღულეული და პარკოსნებიც მდიდარია რკინით, თუმცა ასე იოლად ასათვისებელი არ არის. რკინის ათვისება c ვიტამინთან ერთად უფრო იოლად ხდება, ხოლო ჩაი და ყავა ხელს უშლის ამ პროცესს. ამიტომ ერიდეთ ჩაისა და ყავის სმას რკინით მდიდარ პროდუქტებთან ერთად, მით უმეტეს, თუ ვეგეტარიანელი ხართ და რკინის ყველაზე იოლად ასათვისებელ წყაროს ვერ მიიღებთ. ჩაი და ყავა შეცვალეთ შავი მოცხარის ან ფორთოხლის წვენით. ერიდეთ საქონლის ღვიძლსაც, რომელიც მეტისმეტად მდიდარია A ვიტამინით, რამაც დიდი დოზით მიღების შემთხვევაში შეიძლება გავნოთ.