კულინარია

რეცეპტები

როგორ მოვამზადოთ ყაურმა

ავტორი: თაკო კარკალაია

 

საჭირო მასალები/ხელსაწყოები:

  • ხბოს ან ღორის გულღვიძლი. 600-800 გრ.
  • ხახვი 330 გრ.
  • ნიორი 5 კბილი.
  • ცოცხალი ქინძი 30 გრ.
  • რეჰანი 20 გრ.
  • ხმელი ქონდარი 2 ჩ.კ.
  • კარაქი 80 გრ.
  • დაფნის ფოთოლი 1 დიდი ან 2 პატარა ფოთოლი
  • მწვანე წიწაკა 1 ცალი.
  • შავი პილპილი დ მარილი გემოვნებით.
  • თეთრი ღვინო 100 მლ.ლ.

საფეხურები

  1. 1 გულ-ღვიძლი გავრეცხოთ და დავჭრათ საშუალო ზომის ნაჭრებად. ხახვი დავჭრათ წვრილად. მწვანილი, მწვანე წიწაკა და ნიორი დავნაყოთ ან დავჭრათ წვრილად.
  2. 2 პირველ რიგში, მოვშუშოთ ხახვი კარაქში და დავასხათ ღვინო, 5 წუთის შემდეგ დავამატოთ დაჭრილი გულ-ღვიძლი და ვამზადოთ კიდევ 5 წუთის განმავლობაში.
  3. 3 შემდეგ დავამატოთ გადადუღებული წყალი ან ბულიონი დაახლოებით 1 ჩაის ჭიქა. ყაურმა არ უნდა იყოს ძალიან წვნიანი.
  4. 4 ბოლოს დავამატოთ მწვანილი, ხმელი ქონდარი, მწვანე წიწაკა, ნიორი, ხელით დაფშვნილი დაფნა, მარილი და შავი პილპილი.
  5. 5 სეზონზე შეგიძლიათ გამოიყენოთ ცოცხალი ქონდარი 20 გრამის ოდენობით.