კულინარია

რეცეპტები

როგორ მოვამზადოთ ტოლმა?

ავტორი: მაკი მაკ

ტოლმა გავრცელებული და ბევრისთვის საყვარელი საჭმელია. სასარგებლოც, რადგან კომბოსტო ბევრ С ვიტამინს შეიცავს, ხორცი კი პროტეინებს. ის მსუყეცააა და ბარაქიანიც. ერთი შეხედვით, მისი რეცეპტი ყველამ ვიცით, მაგრამ ხშირად რაღაც დეტალი გვავიწყდება. ხან არ გვახსოვს რომელი მწვანილი უნდა ჩავყაროთ ფარშში, ხანაც სადილის მომზადების დრო გვაფიქრებს. ამიტომ კარგი იქნება თუ მუდამ ხელთ გვექნება ტოლმის მომზადების რეცეპტი. საჭირო დროს ჩავხედავთ და ვიხელმძღვანელოთ.

 

საჭირო მასალები/ხელსაწყოები:

  • კომბოსტო 1 დიდი თავი ან 2 მომცრო
  • შერეული ფარში 1 კგ
  • ბრინჯი 100-150 გ
  • ხახვი 2-3 თავი
  • ნიორი 3-5 კბილი
  • ოხრახუში 1 კონა
  • ქინძი 1-2 კონა
  • ტომატის პიურე 2 ს.კ
  • მარილი
  • წითელი წიწაკა.
  • დაფნის ფოთოლი 2-3
  • ტომატის პიურე 1-2 კოვზი

საფეხურები

  1. 1 მოხარშეთ კომბოსტო



    მოზრდილ ქვაბში ჩაასხით ცოტა წყალი და აადუღეთ. კომბოსტოს ამოაჭერით მურკი (უხეში ნაწილი ღეროს მხრიდან) და ჩადეთ ადუღებულ წყალში მოსაწალად. რამდენიმე წუთში ორკაპას, ქაფქირის ან ჩანგლის დახმარებით ამოიღეთ, დარბილებული ფოთლები შემოაცალეთ ფრტხილად, უმი ნაწილი ჩააბრუნეთ კვლავ წყალში დასარბილებლად. მოწალულ ფოთლებს ააჭერით უხეში, მსხვილი ნაწილი.
  2. 2 მოამზადეთ ფარში



    ფარშს დაამატეთ გატარებული ხახვი და ნიორი, მწვანილი, წიწაკა, მარილი, ბრინჯი (შეგიძლიათ წინასწარ მოხარშოთ კიდეც სანახევროდ), ტომატი (სეზონზე გახეხილი პამიდორი), კარგად აურიეთ, დაამატეთ წყალი, რომ ფარში ცოტა გათხელდეს და კარგი წვნიანი იყოს.
  3. 3 გაახვიეთ ტოლმა



    ფოთოლს დაადეთ ფარში, გადაახვიეთ, შეუკეცეთ გვერდები. ჩაალაგეთ ქვაბში მჭიდროდ. ალაგ ალაგ ჩააყოლეთ დაფნის ფოთოლი.
  4. 4 მოამზადეთ სოუსი



    ერთ ჭიქა წყალში გახსენით ტომატი და დაასხით ტოლმას. ზემოდან დაადეთ ამობრუნებული თეფში, ქვაბის ზომაზე ცოტა პატარა. მოხარშეთ დაბალ ცეცხლზე, დაახლოებით 40 წუთი, თავდახურული.