საოჯახო საქმე

შეკეთება და "რემონტი"

როგორ მოვაშოროთ მცირე ნაკაწრები და დეფექტები ხის ავეჯს

როგორ მოვაშოროთ მცირე ნაკაწრები და დეფექტები ხის ავეჯს

ავტორი: გიორგი მდივნიშვილი

გარკვეული დროის შემდეგ, ახალ ნაყიდ ხის ავეჯზეც კი შეიმჩნევა მცირე ზომის ნაკაწრები და დეფექტები - ეს გავრცელებული პრობლემაა, რომელთან შეხებაც თითქმის ყველა ოჯახში აქვთ. ნაკაწრებიც გაჩენა შესაძლოა გამოიწვეული იყოს როგორც ტრანსპორტირების მიზეზით ასევე ავეჯის აქტიური და არასწორად გამოყენებითაც. შინაური ცხოველებიც ხშირად ხდებინ ავეჯის დაზიანების მიზეზი.

ხშირ შემთხვევაში მცირე ნაკაწრები და დეფექტები შეიძლება აღმოიფხვრას მარტივი საშუალებებით, რომლებიც შეიძლება სახლშიც კი მოიძიოთ. მოცემულ ინსტრუქციაში მოყვანილი იქნება ყველაზე პოპულარული მეთოდები, რომლებიც დაგეხმარებათ ავეჯისთვის ფორმის დაბრუნებაში.

 

საჭირო მასალები/ხელსაწყოები:

  • ნიგოზი
  • ძმარი და ზეითუნის ზეთი
  • იოდი
  • მანქანის ზეთი
  • ფანქრები
  • მარკერები

საფეხურები

  1. 1 გამოიყენეთ ნიგოზი.
    ძალიან მარტივი და აპრობირებული ხერხია ნიგოზის გამოყენებით მცირე დეფექტის დაფარვა ხის ავეჯზე. აიღეთ ნიგოზი, გაჭერით ორ ან ოთხ ნაწილად და გადაუსვით ნაკაწრს. არ არის საჭირო დიდი ძალის დატანება - მთავარია სიცარიელი შეივსოს ნიგვზის წვენით. წვენის გაშრობის შემდეგ ნაკაწრი გახდება ნაკლებად შესამჩნევი.
  2. 2 შეაზავეთ ძმარი და ზეითუნის ზეთი
    ამ ნაზავის მომზადება სახლის პირობებში ძალიან მარტივია. თქვენ მხოლოდ დაგჭირდებათ 1/4 ჭიქა ძმარი და 3/4 ზეითუნის ზეთი. მიღებული სითხით გაწმინდეთ დაზიანებული ადგილი. გაწმენდის მერე სუფთა ნაჭრით კარგად მოამშრალეთ.
  3. 3 შეღებეთ ნაკაწრები იოდითა და მანქანის ზეთით
    თუ კარადა საკმაოდ მუქია, (დამზადებულია კაკლის, მუხის ან რომელიმე წითელი მერქანის მქონე ჯიშის ხისგან) ყველაზე მარტივი გამოსავალია მისი ნაკაწრები დამუშავდეს სამანქანო ზეთით. დაელოეთ ცოტა ხანი და შემდეგ სუფთა ნაჭრით მოამშრალეთ.

    არსებობს კიდევ ერთი ნივთიერება, რომელიც ყველა ოჯახში არის და ძალიან უხდება მუქ ხის ავეჯს, ესაა იოდი. ნაკაწრის სისიდის მიხედვით შეგიძლიათ შეარჩიოთ თუნდაც ბამბის ჩხირი,( ყურის) - გაჟღინთეთ იოდით და დაამუშავოთ ნაკაწერები.
  4. 4 დააყენეთ მუქი ჩაის ფერი
    გაგიკვირდებათ, მაგრამ ასეთი მარტივი შესასრულებელი რჩევა, არის ძალიან გამოსადეგი პრაქტიკაში. დააყენეთ შავი ფერის ჩაი, 30მლ. ადუღების შემეგ აცადეთ, რომ კარგად დაყენდეს ფერი. აიღეთ ბამბა და დაამუშავეთ ნაკაწრები.
  5. 5 გამოიყენეთ ფანქრები ან მარკერები ხის ფერისთვის.
    შესაძლოა ეს იყოს სპეციალიზებული ფანქარი ხისთვის, რომელიც ხშირად იყიდება მხოლოდ სპეციალიზებულ მაღაზიებში. ასეთი ტიპის ფანქრის შოვნა, არც თუ ისე მარტივია, რადგან ფერთა გამა ძალიან შეზღუდულია. გადახარჯვაც არ ღირს, უკიდურესს შემთხვევში გამოდგება ჩვეულებრივი ფანქრებიც და საჭირო ფერის მარკერიც.

გაფრთხილებები

  • მიუხედავად იმისა, თუ რომელ რჩევას მიანიჭებთ უპირატესობას ნაკაწრების მოსაშორებლად, საჭიროა შეამოწმოთ როგორ მოქმედებს ეს ხერხი ხის ავეჯის ზედაპირზე. ამის შესამოწმებლად ექსპერიმენტი ჩაატარეთ იმ ადგილზე, რომელიც ყველაზე ნაკლებად შესამჩნევია, დასრულების შემდეგ დააკვირდით თუ როგორი რეაქცა ქონდა ქვენს მცდელობას ხეზე.