სილამაზე და პირადი ჰიგიენა

ფრჩხილების მოვლა

როგორ გავითეთროთ ფრჩხილები (სახლის პირობებში)

როგორ გავითეთროთ ფრჩხილები (სახლის პირობებში)

ავტორი: ნინო ბერიძე

ყოველთვის სასიამოვნოა, როცა ფრჩხილები გამოიყურება ლამაზად და მოვლილად, აქვთ ჯანმრთელი სახე. ამისათვის, რა თქმა უნდა, საჭიროა მათი მოვლა, თუმცა ხშირად, მოვლის მიუხედავადაც ისნი კარგავენ სასურველ ფერს და იღებენ ყვითელ შეფერილობას. დღესდღეობით არსებობს ბევრი განსხვავებული საშუალება, რომლებიც დაგეხმარებათ ამ პრობლემასთან ბრძოლაში.

 

საჭირო მასალები/ხელსაწყოები:

  • 1
  • ლიმონის წვენი
  • ზეითუნის ზეთი
  • 2
  • სოდა
  • თბილის წყალი
  • 3
  • სოდა
  • წყალბადის ზეჟანგი
  • ლიმონის წვენი

საფეხურები

  1. 1 ფრჩხილების გაყვითლების მიზეზები

    პირველი მიზეზი - მწეველობა. აქ გამოსავალი მხოლოდ ერთია - საჭიროა ამ მავნე ჩვევის მოშორება.

    მეორე მიზეზი - უხარისხო ლაქების გამოყენება. ბევრი ლაქი შეიცავს ისეთ ნივთიერებას, როგორც ფორმალდეგიდი, რომელთა ზემოქმედებაც უარყოფითად მოქმედებს თქვენს ფრჩხილებზე.

    მესამე მიზეზი - შინაგანი ორგანოების პრობლემები. მაგალითად, კუჭისა და ღვიძლთან დაკავშირებული დაავადებები. მოცემულ შემთხვევაში საჭიროა ექიმთან ვიზიტი და გამოკვლევების ჩატარება.

    მეოთხე მიზეზი - სოკო.

    მას შემდეგ, რაც აღმოჩენილი და აღმოფხვრილი იქნება სიყვითლის წარმოქმნის მიზეზი, შეგიძლიათ შეუდგეთ მათ გათეთრებას.
  2. 2 ფრჩხილების გათეთრება სახლის პირობებში

    ფრჩხილების გათეთრების საქმეში საკმაოდ ცნობილი საშუალებაა ლიმონის წვენი, საჭიროა ყოველდღიურად, 2 კვირის განმავლობაში ყველა ფრჩხილის ლიმონის წვენისა და ზეითუნის ზეთის ნაზავით (პროპორცია ერთი-ერთთან) გაწმენდა. მოცემული პროცედურა დაგეხმარებათ ფრჩხილების არამართო გალამაზებაში, არამედ გახდის მათ უფრო მყარს.
  3. 3 კიდევ ერთი შესანიშნავი საშუალებაა - სოდის აბაზანები. აუცილებელია 1 ს/კ სოდას დაასხათ თბილი წყალი, კარგად აურიოთ და გააჩეროთ ხელები წყალში დაახლოებით 15-20 წუთის განმავლობაში. შედეგი შესამჩნევი იქნება უკვე მესამე-მეოთხე პროცედურის შემდეგ.
  4. 4 თუ აუცილებელია ფრჩხილების ერთ დღეში გათეთრება, ასეთ შემთხვევაში შეიძლება დაგეხმაროთ წყალდაბის ზეჟანგისა და სოდის ნიღაბი. თასში აურიეთ 1 ს/კ სოდა, 1 ს/კ წყალბადის ზეჟანგი და მიღებული მასა წაისვით ფრჩხილებზე. 5-7 წუთის შემდეგ მოიშორეთ ნიღაბი წყალში გახსნილი ლიმონის წვენის (1 ჭიქა წყალზე - 1 ჩ/კ ლიმონის წვენი) საშუალებით.

გაფრთხილებები

  • მანამ, სანამ დაიწყებდეთ ფრჩხილების გათეთრებას, აუცილებელია გაერკვეთ მათი გაყვითლების მიზეზებში.
  • მას შემდეგ, რაც აღმოჩენილი და აღმოფხვრილი იქნება სიყვითლის წარმოქმნის მიზეზი, შეგიძლიათ შეუდგეთ მათ გათეთრებას.