კულინარია

რეცეპტები

როგორ გამოვაცხოთ თაფლის ბისკვიტის რულეტი

როგორ გამოვაცხოთ თაფლის ბისკვიტის რულეტი

ავტორი: ნინო ბერიძე

ბისკვიტის სიტკბილე შესანიშნავად ჩრდილავს არაჟნის მცირე სიმჟავეს, ხოლო თაფლის არომატი თავბრუდამხვევია!

 

საჭირო მასალები/ხელსაწყოები:

  • ბისკვიტისათვის:
  • 6 კვერცხი
  • 4 ს/კ თაფლი
  • 1 ჭიქა შაქარი
  • 1.5 ჭიქა ფქვილი
  • 2 ც/კ გამაფხვიერებელი
  • კრემისათვის:
  • 400 გრ არაჟანი
  • 1 ჭიქა შაქრის პუდრა
  • რამდენიმე წვეთი ვანილის ესენცია

საფეხურები

  1. 1 გაახურეთ თქვენი ღუმელი 180 გრადუსამდე. დააფინეთ ჟარონაზე დიდი საცხობი ფურცელი ან პერგამენტი.
  2. 2 მიქსერის ჯამში აურიეთ კვერცხი, შაქარი და თაფლი. ჩართეთ მიქსერი და ათქვიფეთ თეთრ ჰაერობან ქაფამდე. შეურიეთ ფქვილი გამაფხვიერებელს და მოაყარეთ ათქვეფილ კვერცხებს. აურიეთ ერთგვაროვანი კონსისტენციის მიღებამდე.
  3. 3 დაასხით მიღებული მასა ჟარონაზე და შედგით გახურებულ ღუმელში 10-12 წუთით, რათა იგი გახდეს მოყვითალო. შემდეგ გამზადებული ბისკვიტი გადმოატრიალეთ ხელსახოცზე და ქაღალდის მოუხსნელად დაახვიეთ.
  4. 4 სანამ რულეტი გაცივდება, აურიეთ კრემის მოსამზადებლად საჭირო ყველა ინგრედიენტი. ძალიან მნიშველოვანია 25% არანაკლები ცხიმიანობის მქონე არაჟანის გამოყენება, წინააღმდეგ შემთხვევაში, ვერ შეძლებთ მის ათქვეფას.
  5. 5 ამოატრიალეთ რულეტი და წაუსვით კრემი. დაახვიეთ იგი კვლავ და შედეთ მაცივარში რამდენიმე საათით (შეგიძლიათ მთელი ღამის განმავლობაში).