სპორტი და ფიტნესი

ექსტრემალური სპორტი

დაივინგი

როგორ მოვემზადოთ დაივინგისთვის

ავტორი: ნოდარ ღლიღვაშვილი

იმ შემთხვევაშიც კი თუ თქვენ წყლისთვის ხართ „შექმნილი“ და თავს ადამიან ამფიბიად გრძნობთ, აუცილებელია ყოველთვის გახსოვდეთ, რომ წყალი, მითუმეტეს თუ საუბარია დიდ სიღმეებზე, არის ადამიანისთვის უცხო გარემო. თანამედროვე ტექნოლოგიები და სისტემები დამწყებებსაც კი აძლევენ სიღრმეებზე ჩასვლის საშუალებას. ნუ იფიქრებთ, რომ „დაივინგი“ მარტივია, რადგან თუ თქვენ ყურადღებას მოადუნებთ დიდ სიღრმეზე ყოფნისას, შეიძლება ფატალურადაც კი დამთავრდეს თქვენი „მოგზაურობა“.

 

საჭირო მასალები/ხელსაწყოები:

  • ჟანგბადის ბალონი
  • ლასტები
  • თერმული კოსტიუმი
  • სიმძიმეები
  • წყლის სათვალე

საფეხურები

  1. 1
    თუ თქვენ აპირებთ სერიოზულად დაკავდეთ დაივინგით და დაიპყროთ დიდი სიღრმეები (30–40 მეტრამდე), თქვენ დიდი პასუხისმგებლობით უნდა მოეკიდოთ ამ ყველაფერს. უსაფრთხოების ელემენტარული წესების მიხედვით არავითარ შემთხვევაში არ დაიშვება წყალში ჩაშვება პარტნიორის გარეშე. თქვენი პარტნიორი აგებს პასუხს თქვენზე, ხოლო თქვენ მასზე. გაითვალისწინეთ, რომ ასეთ სიღრმეებზე მხოლოდ მაშინ შეძლებთ ჩაშვებას, რაც მოიპოვებთ “Deep Diver” – ის სერტიფიკატს.
  2. 2
    ბევრი პროფესიონალი სპორტსმენი–აკვალანგისტი ხმელეთზე ყოფნის დროს მისდევს იოგას, იმისათვის, რომ გაიუმჯობესოს სუნთქვითი უნარ–ჩვევები. გაეცანით ყველაზე მარტივ სუნთქვის ვარჯიშებს ან მიიღეთ უფრო სრულყოფილი რჩევები პროფესიონალისგან. ეს თქვენ დაგეხმარებათ ჩაშვების რეჟიმის სწორად დაგეგმვაში და თავიდან აგარიდებთ არასასურველ პანიკას სიღრმეზე ყოფნის დროს.
  3. 3
    განსაკუთრებული ყურადღება დაუთმეთ თქვენს ფიზიკურ მდგომარეობას. სასტიკად არის არკძალული წყალში ჩასვლამდე გარკვეული წამლების და ალკოჰოლის მიღება. ასევე აკრძალულია მოწევა. ასევე არ არის სასურველი ჩაყვინთოთ მაშინ, როცა გაციებული ხართ და ვერ სუნთქავთ ცხვირით. თქვენ უნდა გაგაჩნდეთ სამედიცინო ცნობა, რომელიც დაადასტურებს თქვენს კარგ ფიზიკურ მდგომარეობას.
  4. 4
    დაივინგის დროს გააკონტროლეთ მისი ყველა პარამეტრი: დრო, სიღმე, ჟანგბადის დონე. თქვენი აღჭურვილობა უნდა შემოწმდეს ჩაყვინთვამდე. ყოველთვის დარჩით თქვენს პარტნიორთან ხილვადობის რადიუსში. შეისწავლეთ ან შეიმუშავეთ ჟესტების სისტემა, რადგან თქვენ ვერ შეძლებთ წყალქვეშ ერთმანეთთან საუბარს (უმეტეს შემთხვევებში). გამოიყენეთ აღჭურვილობა, რომელიც არის ნათელ ფერებში შეღებლი, ვინაიდან ეს დაგეხმარებათ უკეთ დაინახოთ თქვენი პარტნიორი. გირჩევთ აირჩიოთ ყვითელი ფერი, რადგან ის შორიდანაც კარგად ჩანს. რასაც ვერ ვიტყვით წითელზე, რადგან დიდ სიღრმეებზე ის თითქმის შავი ხდება.
  5. 5 იმისთვის, რომ თავიდან ავირიდოთ წნევის ცვლილებასთან დაკავშირებული დაავადებები ამოცურეთ სიღმიდან ნელ-ნელა. ზუსტად დაგეგმეთ დრო: რამდენი წუთი დაგჭირდებათ სიღრმეზე ჩასასვლელად და ამოსასვლელად, რამდენ წუთს გაჩერდებით სიღრმეზე. გათვალეთ ჟანგბადის ოდენობა, რომელიც უნდა გეყოთ ამ ყველაფერზე. სანამ ჩაეშვებით სრულ სიღრმეზე შეჩერდით 3 წუთით 5 მეტრის სიღრმეზე და დარწმუნდით, რომ ყველაფერი გამართულად მუშაობს. თუ ეჭვი გეპარებათ ამოყვინთეთ, შეიტანეთ ცვლილებები აღჭურვილობაში და გაიმეორეთ პროცესი მანამ, სანამ სრულიად არ იქნებით დარწმუნებული თქვენი აღჭურვილობის გამართულობაში.

გაფრთხილებები

  • გახსოვდეთ! დაივინგი ექსტრემალური სპორტის სახეობაა და შესაბამისად სერიოზულად მოეკიდეთ!
  • დაივინგი დაკავშირებულია რისკებთან, როლებმაც შეიძლება ადამიანის ჯანმრთელობის გაუარესება და/ან სიკვდილი გამოიწვიოს!