როგორ დავამზადოთ ლეღვის მურაბა
სამურაბედ გამოიყენება საკონსერვო სიმწიფის სტადიაში. დახარისხების შემდეგ ლეღვს აჭრიან ყუნწებს და ჩხვლეტენ ჩანგლით ან ხის ჯოხით, რათა დიფუზია სწრაფად და კარგად ჩატარდეს.
საერთოდ, ლეღვის მურაბას ხარშავენ 3 ხარშვით. დაჩხვლეტის შემდეგ წონიან და ყოველ 1,0 კგ ნედლეულზე ასხამენ 70-80 გრადუსის ტემპერატურის სიროფს, რომელსაც ამზადებენ 500გ. შაქრითა და 2 ჩაის ჭიქა წყლით, აჩერებენ 3-4 საათს, გადაწურავენ და ხარშავენ უნაყოფოდ, ხოლო მეორე ხარშვას ატარებენ ნაყოფთან ერთად. ყოველი ხარშვის დროს უმატებენ დარჩენილი შაქრის რაოდენობის 1/3, ანუ 240 გრამს, რომელსაც ხსნიან 1/3 ჩაის ჭიქა წყალში. სულ 1,0 კგ ლეღვზე აყრიან 1,2 კგ შაქარს და ასხამენ წყალში გახსნილ 3.გ ლიმონის ან ღვინის სიმჟავეს; ხარშვის დროს გამოყოფილ ქაფს დაუყოვნებლივ ხდიან.