კულინარია

შენახვა დაკონსერვება

როგორ დავამზადოთ ლეღვის მურაბა

ავტორი: გიორგი მდივნიშვილი

ლეღვის მურაბის დამზადება ოჯახურ პირობებში.

 

საჭირო მასალები/ხელსაწყოები:

  • ლეღვი 1,0 კგ
  • შაქარი 1,2 კგ
  • წყალი 3 ჩაის ჭიქა
  • ლიმონის ან ღვინის სიმჟავე 3 გ.

საფეხურები

  1. 1 სამურაბედ გამოიყენება საკონსერვო სიმწიფის სტადიაში. დახარისხების შემდეგ ლეღვს აჭრიან ყუნწებს და ჩხვლეტენ ჩანგლით ან ხის ჯოხით, რათა დიფუზია სწრაფად და კარგად ჩატარდეს.
  2. 2 საერთოდ, ლეღვის მურაბას ხარშავენ 3 ხარშვით. დაჩხვლეტის შემდეგ წონიან და ყოველ 1,0 კგ ნედლეულზე ასხამენ 70-80 გრადუსის ტემპერატურის სიროფს, რომელსაც ამზადებენ 500გ. შაქრითა და 2 ჩაის ჭიქა წყლით, აჩერებენ 3-4 საათს, გადაწურავენ და ხარშავენ უნაყოფოდ, ხოლო მეორე ხარშვას ატარებენ ნაყოფთან ერთად. ყოველი ხარშვის დროს უმატებენ დარჩენილი შაქრის რაოდენობის 1/3, ანუ 240 გრამს, რომელსაც ხსნიან 1/3 ჩაის ჭიქა წყალში. სულ 1,0 კგ ლეღვზე აყრიან 1,2 კგ შაქარს და ასხამენ წყალში გახსნილ 3.გ ლიმონის ან ღვინის სიმჟავეს; ხარშვის დროს გამოყოფილ ქაფს დაუყოვნებლივ ხდიან.
  3. 3 ხარშვის დამთავრებისას ლეღვი მიიღებს გამჭვირვალე, კრიალა ფერს. 1 კგ სამურაბე ლეღვს, რეცეპტის თანახმად, სჭირდება 1,2 კგ შაქარი, გამზადებული მურაბა გამოვა 1,8 კგ.
  4. 4 ლეღვის მურაბას ასტერილებენ და ინახავენ ისე, როგორც ალუბლისა და სხვა მურაბებს.