ჯანმრთელობა

ახალშობილების მოვლა

როგორ ვეთამაშოთ ახალშობილს

ავტორი: თაკო კარკალაია

 

საფეხურები

  1. 1 გაახედეთ წინ
    თუ სამი თვის ბავშვს ზურგით გულზე მიიყრდნობთ, ირგვლივ ყველაფერს კარგად დაინახავს. ცალი ხელი ფეხებშუა ამოუდეთ, მეორე კი მკერდზე შემოხვიეთ. თავის დაჭერა აღარ სჭირდება.
  2. 2 თამაში ფეხებით
    კარგია, თუ ბავშვს მუდამ ხელში ჭერას არ მიაჩვევთ. ზოგჯერ დაბლა დააწვინეთ, თქვენც მის სიმაღლემდე დაეშვით, ტერფებში ხელი ჩასჭიდეთ და ათამაშეთ.
  3. 3 ქანაობა
    აქეთ-იქით გააქან-გამოაქანავეთ და თუ მოეწონა, უფრო და უფრო მაღლა ასწიეთ. ასეთი მოძრაობა ბავშვის დასაწყნარებლადაც კარგია.
  4. 4 კალთაში ხტუნვა
    ოთხი თვის ბავშვს მოეწონება თქვენს კალთაში ხტუნვა საყვარელი ლექსის რიტმში. ხელები დაუჭირეთ, თორემ შეიძლება უკან გადაქანდეს.
  5. 5 დაისვით მხარზე
    ექვსი თვის ბავშვი მხარზე დაისვით ისე, რომ თქვენზე მაღალი გამოჩნდეს. ბავშვს ძალიან გაართობს ზემოდან ცქერა.
  6. 6 უყურეთ ერთმანეთს
    ბავშვს მოეწონება, თუ თავს ზემოთ აათამაშებთ. თქვენი სახე მისთვის საუკეთესო გასართობია.
  7. 7 დასვენება
    რა მხიარულადაც ეთამაშოთ ბავშვს, ბოლოს რამდენიმე წუთით მაინც მუდამ ნაზად ჩაიხუტეთ. ეცადეთ, მიხვდეთ, რას განიშნებთ ბავშვი. არასოდეს გაუწყრეთ, თუკი იგი ჩვეული ხალისით არ შეგხვდათ.