როგორ იგრძნობთ თავს მშობიარობის შემდეგ
მშობიარობის შემდგომი ტკივილები მშობიარობის შემდეგ საშვილოსნო იკუმშება და ორსულობამდელ ზომას უბრუნდება. შეიძლება მუცელში სპაზმური ტკივილები იგრძნოთ, განსაკუთრებით ძუძუს წოვებისას. ეს კარგი ნიშანია. ტკივილი ალბათ რამდენიმე დღეს გაგრძელდება. რა იღონოთ: თუ შეკუმშვა ძალზე მტკივნეულია, შეგიძლიათ სუსტი ტკივილგამაყუჩბელი, მაგალითად პარაცეტამოლი დალიოთ.
შარდის ბუშტი პირველ დღეებში ხშირი შარდვა ჩვეულებივია, რადგან სხეული ორსულობისას დაგროვილ ზედმეტ სითხეს კარგავს. რა იღონოთ: თავდაპირველად მოშარდვა შეიძლება ტკივილის გამო გაგიჭირდეთ, მაგრამ ეცადეთ, მშობიარობიდან მალევე მოშარდოთ. ადექით და იარეთ, რათა შარდი მალე წამოვიდეს. თბილ აბაზანაში ჩაწექით. თუ წყალში მოშარდავთ, არ იდარდოთ- შარდი სტერილურია. ამის შემდეგ გულდასმით დაიბანეთ. თუ ნაკერები გაქვთ, მოშარდვისას ნაკერებზე თბილი წყალი დაისხით, რათა კანზე ჩხვლეტის შეგრძნება აირიდოთ.