როგორ მოვამზადოთ შილაფლავი ბატკნის ხორცით

ავტორი: თაკო კარკალაია

საჭირო მასალები/ხელსაწყოები:

დუმა 50 გრ.
ბატკნის ხორცი 300 გრ.
ბრინჯი 1 ჩ.ჭ.
ხახვი 150 გრ.
ზაფრანა 1 ჩ.კ.
ძირა 1 ს.კ.
შავი პილპილი გემოვნებით.
თეთრი მშრალი ღვინო 50 მლ.ლ.
მარილი გემოვნებით.

საფეხურები

1 დუმა დაკეპეთ წვრილად და მოათავსეთ გაცხელებულ ქვაბში. დუმის ნაჭრები შებრაწეთ ოქროსფრამდე და დაამატეთ წვრილად დაკეპილი ხახვი. ხახვის მოშუშვისთანავე დაამატეთ წვრილად დაჭრილი ბატკნის ხორცის რბილობი და შუშეთ 5-7 წუთის განმავლობაში.
2 შემდეგ დააყარეთ ზაფრანა და დაასხით თეთრი მშრალი ღვინო. შუშეთ 7-8 წუთის განმავლობაში, დააყარეთ ბრინჯი, შუშეთ 3-4 წუთის განმავლობაში და დაამატეთ ორ ნახევარი ჩაის ჭიქა გადადუღებული წყალი.
3 დაუწიეთ ცეცხლს და ხარშეთ შილაფლავი დახურული თავსახურის ქვეშ. შიგადაშიგ შეამოწმეთ წყლის ოდენობა ქვაბში და მოურიეთ შილაფლავს.
4 ბრინჯის მომზადებისთანავე დაამატეთ ძირა და მარილი გემოვნებით.
5 შილაფლავის მასა არ უნდა იყოს ძალიან თხელი.