ამ კერძისთვის საჭიროა აირჩიოთ ქათამი მკვრივი კანით. ქათამი უნდა გატრუსოთ კარგად და გარეცხოთ. შემდეგ გააცალეთ კანი ისე, რომ არ დაზიანდეს. ქათმის ხორცი წვრილად დაკეპეთ.
ხახვი, ნიორი და ნიგოზი გაატერეთ ხორცის საკეპ მანქანაში. აღნიშნულ მასას დაამატეთ სანელებლები, მარილი, შავი პილპილი და კარგად გადაურიეთ.
ქათმის კანი გაშალეთ ზეთწასმულ ალუმინის ქაღალდზე. კანზე გადაანაწილეთ ქათმის ხორცის და ნიგვზის ნაზავის შერეული მასა და შეახვიეთ რულეტად. დაახვიეთ ალუმინის ქაღალდი და შედგით ღუმელში 200 გრადუს ტემპერატურაზე 35 წუთის განმავლობაში.
შემდეგ გამოიღეთ ქათმის რულეტი, გადაშალეთ ალუმინის ქაღალდი და ზევიდან გადაუსვით ცოტაოდენ ზეთში გახსნილი აჯიკა. კვლავ შედგით რულეტი ღუმელში გაშლილი ალუმინის ქაღალდით და გააჩერეთ კიდევ 5 წუთის განმავლობაში.
გამოიღეთ რულეტი ღუმელიდან, შეაგრილეთ და შემდეგ მოათავსეთ მაცივარში გაცივებამდე.
რულეტი დაჭერით ცივ მდგომარეობაში.