როგორ მოვამზადოთ ქათამი შქმერულად

ავტორი: თაკო კარკალაია

საჭირო მასალები/ხელსაწყოები:

ქათამი ერთი ცალი 1,3 ან 1,5 კგ.
კარაქი 60 გრ.
თხილი 100 გრ.
რძე 600 მლლ.
ფქვილი 10-15 გრ.
თხელი ლავაში 1 ფირფიტა
ჯავზი ( მუსკატის კაკალი). დანის წვერზე
მარილი და შავი პილპილი გემოვნებით

საფეხურები

1 ქათამი გატრუსეთ, გარეცხეთ და დაამუშავეთ ისევე როგორც ''ტაბაკას'' შემთხვევაში. ნიორი გაარჩიეთ და გახეხეთ, თხილი ოდნავ მოხალეთ და გააცალეთ კანი, დაჭერით მსხვილ ნაჭრებად.
2 ქათამი შეწვით როგორც ''ტაბაკა''.
3 ტაფაზე, დაბალ ცეცხლზე გაადნეთ კარაქი და დააყარეთ ფქვილი, შემდეგ დაასხით რძე. მუდმივად ურიეთ რათა არ შეიქმნას კოშტები.
4 რძე უნდა ოდნავ გასქელდეს. შემდეგ დაამატეთ გახეხილი ნიორი, თხილი, მარილი, პილპილი და ჯავზი.
5 შემწვარი და დაჭრილი ქათამი მოათავსეთ კეცზე ან ცეცხლგამძლე ჭურჭელში და დაასხით რძის სოუსი ( ფრანგულ სამზარეულოში ამ სახეობის სოუსს ეწოდება '' ბეშამელი'') და ზევიდან გადააფარეთ ლავაშის ფირფიტა.
6 შქმერული მოათავსეთ გაცხელებულ ღუმელში 7 - 8 წუთი. ლავაში უნდა შეიბრაწოს და გახდეს კრატუნა.
7 შებრაწული ლავაში მოათავსეთ გადაბრუნებულ მდგომარეობაში ცალკე თეფშზე.
8 ლავაში შეგიძლიათ გამოიყენოთ როგორც ''იმპროვიზებული საჭმელი'' თეფში, რომელზედაც მოათავსებთ ქათმის ნაჭრებს ზედ მოსხმული რძის სოუსით.