როგორ მოვამზადოთ ჩაქაფული

ავტორი: თაკო კარკალაია

საჭირო მასალები/ხელსაწყოები:

ბატკნის ან ხბოს ხორცი 600 გრ.
ტარხუნა 2 კონა ან 70-80 გრ.
მწვანე ხახვი 2 კონა ან 160-180 გრ.
კამა 20 გრ.
ქინძი 40 გრ.
მწვანე წიწაკა 1 ცალი.
ტყემალი 100 გრ.
თეთრი მშრალი ღვინო 100 გრ.
ნიორი 4-5 კბილი
კარაქი 30 გრ.
დაფნა 1 ფოთოლი
მარილი გემოვნებით

საფეხურები

1 იმისათვის, რომ თქვენი ჩაქაფული მოხერხებული იყოს მისართმევად, ეცადეთ გამოიყენოთ ბატკნის ან ხბოს რბილი ხორცი. იმ შემთხვევაში თუ თქვენ გამოიყენებთ ძვლიან ხორცს, ეცადეთ გააცალოთ ძვლები კერძის მომზადების შემდეგ.
2 ჩაქაფულის მოცემული ვერსია სულაც არ ნიშნავს, რომ ის არ უნდა მომზადდეს ტრადიციულად ან კახურად. უბრალოდ, ჩვენ გთავაზობთ კერძის საინტერესო ვარიანტს.
3 ხბოს ან ბატკნის ხორცი გარეცხეთ და დაჭერით თქვენთვის სასურველ ნაჭრებად.
4 მწვანე ხახვი, მწვანილები, მწვანე წიწაკა და ნიორი დაჭერით წვრილ ნაჭრებად.
5 ტყემალი გარეცხეთ და მოაცილეთ ყუნწები.
6 მოათავსეთ ყველა ინგრედიენტი ქვაბში და დაასხით თეთრი ღვინო.
7 დადგით დაბალ ცეცხლზე ღია ქვაბში. წამოდუღებისთანავე დაახურეთ თავსახური.
8 ხორცის მოხარშვისთანავე დაამატეთ დაფნა და მარილი გემოვნებით.
9 კერძი შეიძლება მომზადებულად ჩაითვალოს, მაგრამ ჩვენ გთავაზობთ შემდეგ მოქმედებას.
10 ჩაქაფული გადაწურეთ და გადაიღეთ ცალკე ჭურჭელზე ხორცი და მწვანე მასა. ცალკე ტაფაზე მოათავსეთ კარაქი და დაასხით ჩაქაფულის წვენი. ადუღეთ შესქელებამდე.
11 შემდეგ დაამატეთ ცოტაოდენი ტარხუნის გარჩეული ფოთლები, მწვანე ხახვის ძირები, დაჭრილი ოდნავ ირიბად და ორ სანტიმეტრ სიგრძეზე, ოდნავ გახეხილი ნიორი და მარილი.
12 მიღებული სოუსის ნაწილი დაასხით თეფშზე, შუაში მოათავსეთ ხორცის ნაჭრები და მწვანე მასა. შეგიძლიათ სცადოთ მწვანე და ჩვეულებრივი ხახვის შეხამება.