კულინარია

რეცეპტები

როგორ მოვამზადოთ ტარხუნის ღვეზელი

ავტორი: თაკო კარკალაია

 

საჭირო მასალები/ხელსაწყოები:

  • - ცომის შემადგენლობა
  • პურის ფქვილი 2,5 ჩ.ჭ.
  • მაწონი 500 მლლ.
  • კვერცხი 1 ცალი
  • კარაქი ან მარგარინი 200 გრ.
  • სოდა 1/3 ჩ.კ.
  • - შიგთავსის შემადგენლობა
  • ტარხუნა 250 გრ.
  • მწვანე ხახვი 600 გრ.
  • ქინძი 40 გრ.
  • კამა 50 გრ.
  • კვერცხი 7 ცალი
  • რძე 30 მლლ.
  • მარილი და წითელი წიწაკა გემოვნებით

საფეხურები

  1. 1 პირველ რიგში მოზილეთ ცომი. ამისთვის თასში ჩაასხით მაწონი, დაამატეთ სოდა, ათქვეფილი კვერცხი, გამდნარი და გაცივებული კარაქი. შემდეგ ამატეთ მცირე ოდენობით გაცრილი ფქვილი და მოზილეთ ცომი. გამზადებული ცომი მოათავსეთ მაცივარში ერთი საათით.
  2. 2 ამასობაში მოამზადეთ ღვეზელის შიგთავსი. დაჭერით ტარხუნა, მწვანე ხახვი, მწვანილები, ნიორი და ზეთიან ტაფაში მსუბუქად მოშუშეთ, მოაყარეთ მარილი და სურვილისამებრ დაამატეთ დაღერღილი წითელი წიწაკა. გაცივებულ შიგთავსს შეურიეთ დაჭრილი კვერცხი.
  3. 3 ცომი გამოიღეთ მაცივრიდან, გაყავით ორ ან სამ ნაწილად და გააბრტყელეთ ცალ-ცალკე.
  4. 4 გაბრტყელებულ ცომში მოათავსეთ შიგთავსი, გადაახვიეთ ცომი და მიეცით რულეტის ფორმა. ეცადეთ, რომ რულეტის ნაწუბურები მოექცეს ქვემოთ.
  5. 5 ღვეზელი მოათავსეთ გაცხელებული ღუმელის ტაფაზე და გამოაცხვეთ ის 220 გრადუს ტემპერატურაზე, დაახლოებით ნახევარი საათის განმავლობაში.
  6. 6 როგორც კი ცომი მიიღებს ოქროსფერს, გამოიღეთ ტაფა ღუმელიდან და გადაუსვით ღვეზელს ერთმანეთში ათქვეფილი კვერცხი და რძე. ტაფა დააბრუნეთ ღუმელში და გააჩერეთ ის დაახლოებით 5-7 წუთის განმავლობაში 160 გრადუს ტემპერატურაზე.
  7. 7 დაჭრამდე ღვეზელი უნდა შეგრილდეს.