მოდა და სტილი

ქალებისთვის

როგორ უნდა ჩაიცვან დაბალ ტანიანმა გოგოებმა

როგორ უნდა ჩაიცვან დაბალ ტანიანმა გოგოებმა

ავტორი: მაკი მაკ

დაბალი სიმაღლის გოგონები მშვენიერები არიან. სულაც არ არის აუცილებელი სამოდელო ბიზნესის მიერ დადგენილ კრიტერიუმებს აკმაყოფილებდეთ და თქვენი სიმაღლე 170 სანტიმეტრს აჭარბებდეს. ეს სტანდარტებია, რომელსაც შესაძლოა მოდელები მისდევდნენ, მაგრამ სხვა გოგონებისთვის სულაც არ არის აუცილებელი. ოღონდ ნებისმიერ ქალს სურს კარგად გამოიყურებოდეს და ამ მხრივ, არც მინიატურული გოგონები წარმოადგენენ გამონაკლისს. ამ ინსტრუქციაში სწორედ იმ წესებს წარმოგიდგენთ, რომელიც დაგეხმარებათ თქვენი ფიგურა უფრო წარმატებულად და მომხიბვლელად წარმოაჩინოთ.

 

საფეხურები

  1. 1 ტანზე მომდგარი ტანსაცმელი



    უარი თქვით ფართო ტანსაცმელზე და ჩაიცვით ტანზე მომდგარი. გამოკვეთილი სამოსი თქვენს ფიგურას ხაზს გაუსვამს და უფრო წარმოსადეგად წარმოგაჩენთ. მიუხედავად იმისა, რომ ახლა ფართო ტანსაცმელია მოდაში, ჯობს უპირატესობა იმას მიანიჭოთ, რაც გიხდებათ.
  2. 2 მუქი ფერის ტანსაცმელი



    შეგიძლიათ ატაროთ მუქი ფერის ტანსაცმელი, მაგრამ არა შავი. რადგან შავი ტანს ვიზუალურად ადაბლებს.
  3. 3 ერთი ტონის ტანსაცმელი



    ტანსაცმელი ერთ ტონალობაში შეუხამეთ ერთმანეთს. უარი თქვით კონტრასტულ ფერებზე.
  4. 4 მაღალი წელი



    ჩაიცვით მაღალწელიანი სამოსი. მით უმეტეს რომ დაბალწელიანი მოდიდან გადავიდა და უკვე რამდენიმე წელია, მაღალწელიანი სამოსი მოდის მთავარი ტრენდია.
  5. 5 გამოკვეთილი კაბა



    უპირატესობა იმ კაბებს მიანიჭეთ, რომელიც ტანზეა მომდგარი. არავითარ შემთხვევაში არ ატაროთ ბალახონი.
  6. 6 ქვედაბოლო



    ატარეთ მუხლს ზემოთ ქვედაბოლო. უარი თქვით მიდიზე.
  7. 7 შარვალი



    ჩაიცვით კლასიკური სწორი შარვალი. უარი თქვით ფართო, მოკლე შარვლებზე.
  8. 8 მაისური



    მოკლე მაისური – დიახ. ტუნიკა – არა.
  9. 9 პიჯაკი და პალტო



    უარი თქვით გრძელ პიჯაკზე და უპირატესობა მიანიჭეთ მოკლეს. ასევე მოიქეცით პალტოს შემთხვევაში. ჩაიცვით პალტო მუხლებამდე და არა გრძელი.