კომპიუტერი და ინტერნეტი

ინტერნეტი

როგორ გამოვიწეროთ ტანსაცმელი?

ავტორი: მაკი მაკ

ტანსაცმლის გამოწერა ონლაინ საიტებიდან უფრო და უფრო პოპულარული ხდება მსოფლიოს ბევრ ქვეყანაში. ამას რამდენიმე მიზეზი აქვს. პირველ რიგში, ვზოგავთ დროს და ენერგიას. არ გვიწევს მაღაზიების მოვლა სასურველი ნივთის ძიებაში. მეორეც, ნივთების გამოწერა ხშირ შემთხვევაში ბევრად იაფი გვიჯდება, ვიდრე მათ ადგილობრივ ბაზარზე შეძენა. თანაც ასე უფრო ხარისხიან პროდუქციასაც ვღებულობთ. ნივთების გამოწერის პრინციპი ყველა საიტისთვის საერთოა, განსხვავება მხოლოდ დეტალებშია. მაგრამ თუ საერთო პრინციპს შევისწავლით, დეტალებშიც ადვილად გავერკვევით. ამასთან, გაფრთხილებაც. შეეცადეთ ისარგებლოთ სანდო საიტებით და ნაკლებად გამოიწეროთ ტანსაცმელი ჩინური საიტებიდან, რადგან როგორც წესი, ფოტოზე მოცემული ნივთის ხარისხი მნიშვნელოვნად განსხვავდება ნამდვილისგან. ნივთების გამოწერის ყველაზე გავრცელებული საიტებია Amazon.com; ebay.com; Aliexpress.com. მაშ ასე, ვიწყებთ გამოწერას და მივყვეთ ინსტრუქციას.

 

საფეხურები

  1. 1 ვრეგისტრირდებით საიტზე



    ვავსებთ სტანდარტულ სარეგისტრაციო ფორმას და შეგვყავს ჩვენი პირადი მონაცემები. მისამართის გრაფაში ვუთითებთ ან გადამზიდი კომპანიის მისამართს, ან საკუთარს, იმის მიხედვით თუ როგორ გვსურს ნივთის მიღება.
  2. 2 ვირჩევთ კატეგორიას



    გამოწერის საიტები ჩვენთვის სასურველი ნივთების ვრცელ ჩამონათვალს გვთავაზობენ. თუ ვირჩევთ მაგალითად კაბას, შევდივართ შესაბამის კატეგორიაში და ვეცნობით პროდუქციას.
  3. 3 ვირჩევთ სასურველ ნივთს

    ვირჩევთ სასურველ ნივთს მოცემული პროდუქციიდან.
  4. 4 ვუთითებთ მონაცემებს



    ვუთითებთ ჩვენთვის სასურველ ფერს და ზომას მითითებულ გრაფაში
  5. 5 გადაგვაქვს კალათაში



    ყველა საჭირო პარამეტრის მითითების შემდეგ ვაკეთებთ chek out–ს, ვუთითებთ ჩვენი ანგარიშის ნომერს და ჩვენი ანგარიშიდან ნივთის ღირებულების თანხა იჭრება.
  6. 6 ნივთის მიღება



    ნივთის ადგილზე ჩამოტანის ხანგძლივობა სხვადასხვაა. ორი კვირიდან ერთ თვემდე. აღნიშნული ვადის გასვლის შემდეგ, იღებთ შეტყობინებას თქვენი ნივთის ჩამოსვლის შესახებ. მიდიხართ გადამზიდ კომპანიაში, იხდით მისი ტრანსპორტირების საფასურს და მოგაქვთ თქვენი კუთვნილი ნივთი.