კულინარია

რეცეპტები

როგორ მოვამზადოთ ცხელი შოკოლადი ნუტელასგან

როგორ მოვამზადოთ ცხელი შოკოლადი ნუტელასგან

ავტორი: მარიამ მათიაშვილი

ცხელი შოკოლადი ნუტელასგან ძალიან გემრიელი და ნოყიერია და მშვენიერი სასმელია ცივ ზამთრის დღეებში. ნუტელას მეშვეობით ცხელი შოკოლადი ფუნდუკის სასიამოვნო არომატს ღებულობს. მისგან გაყინული შოკოლადის მომზადებაც კი შეიძლება - ის საუკეთესო დესერტია. თუ მაცივარში მოგეპოვებათ რძე და ნუტელას პასტა, ძალიან უცებ და ადვილად შეძლებთ გემრიელი და არომატული ცხელი შოკოლადის მომზადებას.

 

საჭირო მასალები/ხელსაწყოები:

  • 3 სუფრის კოვზი ნუტელა
  • 1 1/3 ჭიქა რძე

საფეხურები

  1. 1 დადგით მცირე ზომის ქვაბი ღუმელზე



    დადგით მცირე ზომის ქვაბი ღუმელზე, საშუალო ცეცხლზე. უკეთესია თუ ქვაბი უჟანგავი ლითონის იქნება და არა ალუმინის, რადგან ის შეიძლება რძესთან რეაქციაში შევიდეს.
  2. 2 დაამატეთ ქვაბში ნუტელა და რძე



    აიღეთ სამი სუფრის კოვზი თხილისა და შოკოლადის ნუტელას პასტა და დაამატეთ მასში 1/3 ჭიქა რძე. შეიძლება ნებისმიერი ცხიმის შემცველობის რძის გამოყენება, მაგრამ, რა თქმა უნდა, ცხიმიანი რძე უკეთესია. შეიძლება გამოიყენოთ მცენარეული რძეც, მაგალითად ნუშის, სოიოს ან კედრის - ეს განსაკუთრებით აქტუალური იქნება, თუკი რძის პროდუქტებზე ალერგია გაქვთ.
  3. 3 მუდმივად ურიეთ



    ურიეთ, სანამ შოკოლადის პასტა მთლიანად არ გადნება რძეში. უნდა მიიღოთ ერთფეროვანი მასა. ამისთვის სავარაუდოდ დაგჭირდებათ 5 წუთი.
  4. 4 დაუმატეთ დარჩენილი რძე



    დაუმატეთ დარჩენილი რძე და მოუმატეთ ცეცხლს. თუ შოკოლადის სქელი კონსისტენციის მიღება გსურთ, შეამცირეთ რძის რაოდენობა და ქვაბში მხოლოდ 3/4 ჩაასხით.