კულინარია

რეცეპტები

როგორ მოვამზადოთ გურული ღვეზელი

ავტორი: მარიამ მათიაშვილი

მალე შემოაღებს კარს შობა და ჩვენს გულებში სიკეთესა და სიყვარულს გააჩენს. როგორც სხვა დიდ დღესასწაულებს, შობასაც აქვს თავისი ტრადიციული კერძები, მაგალითად ყველასთვის საყვარელი გურული ღვეზელი. მის მომზადებას გურული სისხარტე და სიყვარული და არც თუ ისე ბევრი ინგრედიენტები სჭირდება! მაშ ასე! ვიწყებთ გურული ღვეზელის გამოცხობას.

 

საჭირო მასალები/ხელსაწყოები:

  • 300 მილილიტრი წყალი ან რძე
  • 1.5 სუფრის კოვზი საფუარი
  • 600+300 გრამი ფქვილი
  • 50 გრამი ზეთი
  • 1 ჩაის კოვზი შაქარი
  • 1 ჩაის კოვზი მარილი
  • 700 გრამი იმერული ყველი
  • 4 ცალი მოხარშული კვერცხი
  • 1 ცალი კვერცხი
  • 1 სუფრის კოვზი წყალი/რძე

საფეხურები

  1. 1 გახსენით საფუარი



    შეათბეთ წყალი/რძე 35C გრადუსამდე, შეურიეთ მარილი და გახსენით საფუარი.
  2. 2 მოზილეთ ცომი



    ჩაყარეთ 600 გრამი ფქვილი თასში და გაუკეთეთ ჩაღრმავება. ჩაუმატეთ საფუარიანი წყალი/რძე და ზეთი. ღვეზელისთვის ოქროსფერი შეფერილობის მისაღებად, ჩაუმატეთ შაქარიც. მოზელილი რბილი ცომისგან გააკეთეთ ბურთი, შეფუთეთ და 2 საათით დატოვეთ თბილ ადგილას ასაფუებლად.
  3. 3 გადაზილეთ



    შემდეგ ჩაუმატეთ ცომს 150-200 გრამი ფქვილი და ერთხელაც მოზილეთ. ფქვილმოყრილ სამუშაო ზედაპირზე გაყავით მიღებული ცომი ოთხ თანაბარ ნაწილად. შეფუთეთ(გადააფარეთ კულინარილი ცელოფანი) და დატოვეთ თბილ ადგილას 10 წუთით.
  4. 4 შიგთავსი



    დაფშხვენით ყველი. 4 ცალი მოხარშული კვერცხი გაჭერით შუაზე. ხელით გააბრტყელეთ ცომის ბურთები 4-5 მილიმეტრის სისქეზე. თითოეულის ცალ მხარეს გადაანაწილეთ ყველი და განათავსეთ კვერცხის ორი ნაჭერი. ზევიდან გადმოაკეცეთ ცომის მეორე ნახევარწრე და კიდეებზე თითების დაჭერით შეუკარით პირი.
  5. 5 კვერცხი



    განაცალკევეთ ერთი კვერცხის გული ცილისგან. ჩაუმატეთ 1 სუფრის კოვზი წყალი/რძე და კარგად გათქვიფეთ.
  6. 6 გამოაცხვეთ



    მოაყარეთ ფქვილი საცხობ ლანგარს, განათავსეთ მასზე ნახევარმთვარისებური გურული ღვეზელები და მოაცხეთ ზემოდან გათქვეფილი კვერცხის გული. შედგით ღუმელში და აცხვეთ მაღალ ტემპერატურაზე, 15-20 წუთის განმავლობაში. გემრიელად მიირთვით, სანამ ცხელია!