როგორ მოვამზადოთ ლოქო ქინძმარში

ავტორი: თაკო კარკალაია

საჭირო მასალები/ხელსაწყოები:

ლოქო 400 გრ.
ქინძი 40 გრ.
დაფნის ფოთოლი 1 ც.
ნიორი 2 კბილი
ბაჰარი 5 მარცვალი
ძმარი 2 ს.კ.
ლიმნის წვენი 1 ჩ.კ
გადადუღებული წყალი 1.5 ჩ.ჭ.
წითელი წიწაკა და მარილი გემოვნებით

საფეხურები

1 ლოქო დაჭერით საშუალო ზომის ნაჭრებად. რომ შეინარჩუნოთ ლოქოს არომატული გემო, მოხარშეთ ის მარინადში.
2 მარინადი წარმოადგენს წყლის და მარილის ნახარშს რომელსაც ემატება ნიორი, გაფრცქვნილი ხახვის მთლიანი ან ორად გაყოფილი თვი, ბაჰარი და დაფნა.
3 ჩვენს შემთხვევაში აიღეთ ერთი ლიტრი წყალი, სამი სუფრის კოვზი მარილი, ერთი დაფნის ფოთოლი და ოთხი ან ხუთი მარცვალი ბაჰარი. მარინადი წამოადუღეთ, მოათავსეთ მასში თევზის ნაჭრები.'
4 თევზი მოიხარშება დაახლოებით 5 წუთში. მოხარშული თევზი გამოიღეთ ცალკე ჭურჭელზე და გააციეთ.
5 გადადუღებულ ცივ წყალს დაამატეთ გახეხილი ნიორი, დაჭრილი ქინძი, ძმარი, ლიმნის წვენი, მარილი და წიწაკა გემოვნებით.
6 თუ სოუსი გამოდგა მჟავე დაამატეთ ცოტაოდენი შაქარი. მიღებულ სოუსში ჩააწყვეთ თევზი.