მოდა და სტილი

ქალებისთვის

როგორ ჩავიცვათ საზაფხულო შვებულების დროს?!

როგორ ჩავიცვათ საზაფხულო შვებულების დროს?!

ავტორი: Mariam Matiashvili

ვაშა! უკვე შვებულებაა! ნანატრი დასვენების დრო დადგა და ახლა უკვე შეგვიძლია მოვწყდეთ სამსახურს და სრულყოფილად განვიტვირთოთ. ალბათ უკვე გადაწყვიტეთ, ვისთან ერთად დაისვენებთ და სად გაატარებთ შვებულებას, ან არდადეგებს, მაგრამ გადაუწყვეტელი რჩება საკითხი, რას ჩაიცმევთ? ეს ხომ გოგოებისთვის ერთ-ერთი ნომერ პირველი საზრუნავია?! ამიტომაც გადავწყვიტეთ შემოგთავაზოთ ზაფხულის 4 მოდური იმიჯი. თქვენი გარეგნობა მოდური დეტალებისგან იწყება, ამიტომ არ დაივიწყოთ ამ ზაფხულის მთავარი ტრენდის შესახებ - გაიკეთეთ ბეჭდების ქსელი ყველა თითზე. ახლა კი უფრო კონკრეტულად...

 

საფეხურები

  1. 1 რომანტიკის დედოფალი



    ფრიალა საზაფხულო კაბა თეთრეულის სტილში, აქტუალური ყვავილების პრინტით უამრავი ბეჭდით ხელზე და კომფორტული სანდლები. ამას დამატებული ფართოფარფლებიანი ქუდი - საუკეთესო იმიჯი და მშვენიერი გადაწყვეტილებაა რომანტიკული საზაფხულო გასეირნებების დროს.
  2. 2 მის პრაქტიკულობა



    საუკეთესო იმიჯი შვებულებისთვის პასტელის ფერებში, რომლითაც ბარშიც წახვალთ, ექსკურსიაზეც და პაემანზეც. უბრალოდ არ დაგავიწყდეთ, შეცვალეთ მაღალქუსლიანი ფეხსაცმელი ლამაზი სანდლებით, დაბალ ძირზე.
  3. 3 საუკეთესო თანამოსაუბრე



    მეგობრებთან შეხვედრები დასვენების ერთ-ერთი მნიშვნელოვანი შემადგენელი ნაწილია. ამისათვის კი მშვენიერი კომბინაცია მოვიფიქრეთ. მოდური, თხელი კომბინიზონი, კომფორტულ კეტებთან ერთად. მოშიშვლებული მხრები და ჯინსის ქურთუკი. არ შეგეშინდებათ სიგრილის საღამოს გასერინების, ან მეგობრებთან ერთად გართობის დროს.
  4. 4 მოდური ქალბატონი



    ის დღეც დგება, როცა საკმაოდ მოდურ წვეულებაზე უნდა წახვიდეთ. ამიტომ აირჩიეთ "მეტალიკის" ქვედაბოლო, ლაკონური ტოპი და "ბასანოჩკები" მაღალ ქუსლზე. უკვე მზად ხართ! წადით და დაიპყარით ზაფხულის ყველა მოდური წვეულება.