ჯანმრთელობა

რჩევები

როგორ გავუმკლავდეთ სტრესს?

ავტორი: Mariam Matiashvili

როგორ უმკლავდებით სტრესს ყოვედღიურ ცხოვრებაში? მალავთ მას, თუ მოულოდნელად ფეთქდებით?
არსებობს სტრესზე რეაქციის რამდენიმე გამოვლინება:
1. ე.წ. მოკლე ჩართვის სინდრომი: წამოხურება, ოფლიანობა და სახეზე წამოწითლება.
2. საშუალო რეაქცია: კუნთების წამოტკივება, კეფის ან ზოგადად თავის ტკივილი.
3. მინიმალური რეაქცია: სტრესის დამალვა, გართულებები საჭმლის მომნელებელ ორგანოებზე: დიარეა, მუცლის ტკივილი.
სტრესი ჩვენი ცხოვრების განუყოფელი ნაწილია და ყოველი ჩვენთაგანს სხვადასხვა დროს გვიწევს მასთან გამკლავება. სპეციალისტები თვლიან, რომ ის ერთგვარი ვარჯიშიც კია ჩვენი ორგანიზმისთვის, რადგან ამ დროს ხდება მთელი რესურსის მობილიზება: სისხლი უფრო ინტენსიურად მიეწოდება ტვინს, გულს და კუნთებს.
თუმცა ეს, ისევე როგორც ნებისმიერი ვარჯიში სასარგებლოა ზიმიერად. თუ ეს პროცესი დიდიხანს გაგრზელდა შეიძლება გამოიწვიოს ორგანიზმის გადაღლა და გამოფიტვაც.
რა უნდა გავაკეთოთ სტრესის დროს?

 

საფეხურები

  1. 1 გავითბოთ თითები
    ცხელი ჩაის ჭიქის მეშვეობით გავითბოთ თითები. ამ დროს პერიფერიული სისხლძარღვები ფართოვდება და სისხლის მიმოქცევა ნორმალიზდება.
  2. 2 დაკავდით ვარჯიშით.
    სტრესის დროს აჩქარებულია გულისცემა, მომატებულია არტერიული წნევა. ამ დროს ვარჯიში დაგეხმარებათ დაასტაბილუროთ ეს გამოვლინებები.
  3. 3 ისუნთქეთ ღრმად და ითვალეთ.
    ღრმა სუნთქვის დროს ტვინს მეტი ჟანგბადი მიეწოდება, ამ დროს აქტიურდება პარასიმპატიკური სისტემა, რაც ისევ და ისევ ხელს უწყობს მთავარი სიმპტომების, არტერიული წნევისა და გახშირებული გულისცემის ნორმალიზებას.
  4. 4 გადაიტანეთ ყურადღება სხვა რამეზე .
    მიუხედავად იმისა, რომ სტრესის დროს გულს და ტვინს, მეტი ინტენსივობით მიეწოდებათ სისხლი და აქტიურდებიან, დანარჩენ ორგანოებს ექმნებათ სისხლის საჭირო რაოდენობის მიწოდების პრობლემა. სწორედ ეს არის ტკვილის გამომწვევი მთავარი მიზეზი, ამიტომ:გადაიტანეთ ყურადღება. მაგალითად დაიჭირეთ ხელში ყინულის ნატეხი. გარდა ყურადღების გადატანისა, ყინული გაგიყუჩებთ, სისხლის ნაკლებობით გამოწვეულ თითების კუნთების ტკივილს.