როგორ ვიყოთ საყვარელ ადამიანთან უფრო ახლოს 7 რჩევა
ისწავლეთ ემოციების გამოხატვა თუ თქვენ გრძნობთ, რომ რამით უკმაყოფილო ხართ და სადაცაა "აფეთქდებით" პირდაპირ უთხარით პარტნიორს. აუხსენით, რომ უკმაყოფილო ხართ მისი ქცევებით და დამოკიდებულებებით, აუხსენით, რომ ეს გწყინთ და შეეცადეთ დაასაბუთოთ კონკრეტული მაგალითებით. შეგიძლიათ ისინიც დაამატოთ თუ რამდენად გიქმნით დისკომფორტს ის ფაქტი, რომ თქვენ ნათქვამს არ ითვალისწინებენ და აზრებს არ სცემენ პატივს. ემოციების გამოხატვა და ამაზე ღიად საუბარი საყვარელ ადამიანთან უკვე დიდი წინგადადგმული ნაბიჯია. როცა პარტნიორმა იცის რა გაწუხებთ, რა არ გსიამოვნებთ, რა დროს გრძნობთ თავს ცუდად და რა მიზეზით მას აქვს შესაძლებლობა უფრო გაგიგოთ თქვენ. ეს კი რა თქმა უნდა იწვევს ემოციურ სიახლოვეს.
ისწავლეთ ბოდიშის მოხდა და პატიების თხოვნა მთელი გულით, გულწრფელად ! რამდენად ხშირად თხოვთ თქვენს საყვარელ ადამიანს რამის პატიებას გულახდილად და გააზრებულად? არასდროს? ძალიან ხშირად? (ჯამში ორივე ვარიანტი ძალიან ცუდია, ფაქტიურად ერთი და იგივე.) თქვენ მიეჩვიეთ ბანალურ ფრაზებს? მაპატიე, "სორი" "შემთხვევით მოხდა" "არ მეგონა", არ შეიძლება ამ სიტყვების მონოტონურად რობოტივით გამეორება. როგორც წასი, როცა ადამიანი გულახდილად აღიარებს შეცდომას და დანაშაულს იცვლება მისი ინტონაცია, ხმის ტემბრი და ძალიან დიდ ძალისხმევას მოითხოვს თითოეული სიტყვის თქმა და გულწრფელად დანაშაულის აღიარება. გახსოვდეთ, რომ გულწრფელ აღიარებაზე და ასე მოხდილ ბოდიშზე შეუძლებელია პარტნიორი დიდი ხნით იყოს ნაწყენი.