კულინარია

რეცეპტები

როგორ მოვამზადოთ ისპანახის სალათი ლორით და შებოლილი სულგუნით

როგორ მოვამზადოთ ისპანახის სალათი ლორით და შებოლილი სულგუნით

ავტორი: თაკო კარკალაია

 

საჭირო მასალები/ხელსაწყოები:

  • ისპანახი 300 გრ.
  • ლორი ან სხვა შებოლილი შაშხი 150 გრ.
  • შებოლილი სულგუნი 100 გრ.
  • მწვანე ხახვი 50 გრ.
  • მწვანე წიწაკა 10 გრ.
  • ცოცხალი ქინძი 15 გრ.
  • ზეთი 20 გრ.
  • ძმარი 30 გრ.
  • შაქარი 5-8 გრ.
  • მდოგვი 5 გრ.
  • მარილი გემოვნებით

საფეხურები

  1. 1 ამ სალათისთვის აირჩიეთ ქორფა ისპანახი. ისპანახი გარეცხეთ, მოაცალეთ ძირები და მოათავსეთ საწურზე გასაშრობად.
  2. 2 მწვანე ხახვი, ქინძი და მწვანე წიწაკა წვრილად დაჭერით.
  3. 3 თუ აარჩევთ რაჭულ ლორს, საჭიროა მოხარშოთ და ხარშვის დროს ორი-სამჯერ გამოუცვალოთ წყალი. მოხარშული ლორი გააცივეთ და დაჭერით გრძელ და თხელ ნაჭრებად.
  4. 4 სოუსისთვის დაასხით ძმარი ჭურჭელზე, დაამატეთ მდოგვი, მარილი და შაქარი, მოურიეთ კარგად, ბოლოს დაამატეთ ზეთი და კვლავ მოურიეთ.
  5. 5 ზეთი არ ათქვიფოთ დიდხანს, რათა არ მიიღოთ ემულსიის კონსინსტეცია.
  6. 6 შეგიძლიათ სოუსში გამოიყენით ლიმნის წვენი, დაახლოებით ერთი ჩაის კოვზის ოდენობით.
  7. 7 თუ სოუსი გამოგივიდათ მჟავე, დაამატეთ შაქარი ან თაფლი, რაც კარგად ანეიტრალებს სიმჟავეს.
  8. 8 სოუსის მომზადების შემდეგ, შეურიეთ ყველა ინგრედიენტი, დაასხით სოუსი და მსუბუქად მოურიეთ.
  9. 9 სალათა მოათავსეთ თეფშზე და დააყარეთ სქლად გახეხილი შებოლილი სულგუნი.
  10. 10 სალათის გასაფორმებლად ყველის გარკვეული რაოდენობა დაჭერით თხელ და დიდ ნაჭრებად.