კულინარია

რეცეპტები

როგორ მოვამზადოთ Fish and Chips

ავტორი: გიორგი მდივნიშვილი

Fish and Chips არის ტრადიციული ინგლისური კერძი. პირდაპირი თარგმანით მისი სახელია თევზი და შემწვარი კართოფილი. ჯანსაღი კვების კუთხით კერძი არ არის მთლად სასარგებლო, რადგან მისი ინგრედიენტები იწვება ზეთში, თუმცა მიუხედავად ამისა, ის არის ძალიან გემრიელი და გამოიყენება როგორც მსუყე სასუსნავი. თუ ხართ გურმანი და გიყვართ ახალი რამის დაგემოვნება ეს ინსტრუქცია თქვენთვისაა

 

საჭირო მასალები/ხელსაწყოები:

  • ნებისმიერი თეთრი ფერის თევზი მაგ ვირთევზა (cod, треска)
  • 120 გრ ხორბლის ფქვილი
  • 100 გრამი სიმინდის კრახმალი
  • 250 მლ ღია ფერის ლუდი
  • მარილი და წიწაკა თქვენი გემოვნებით
  • ოხრახუში რამდენიმე ღერო
  • 4-5 მოზრდილი ზომის კართოფილი
  • მზესუმზირის ზეთი შესაწვავად

საფეხურები

  1. 1
    დასაწყისისთვის საჭიროა თხევადი საწებლის მომზადება, რაშიც შეწვამდე უნდა ამოვავლოთ თევზი. ამისათვის საჭიროა თასში ავურიოთ ერთმანეთში ფქვილი და სიმინდის კრახმალი, დავამატოთ მასში ლუდი ნელ-ნელა ისე რომ არ გავაჩეროთ მორევა. ბოლოსკენ უკვე შეგიძლიათ დაამატოთ ოხრახუში
  2. 2
    აიღეთ თევზი და კართოფილი, დაჭერით ისინი გრძლად, თუმცა შეეცადეთ, რომ არ გამოგივიდეთ სქელი ნაჭრები, რადგან შეწვის დროს მოასწრონ კარგად დაბრაწვა, თუმცა არც ისე თხელი არ გინდათ, რომ მომზადების დროს დაიწვას. დააკვირდით ფოტოს და ნახავთ მიახლოებით ზომას.
  3. 3
    აიღეთ ტაფა და გააცხელეთ გაზზე. დაასხით მასზე დიდი რაოდენობით ზეთი. მოამზადეთ თევზი, მოაყარეთ ნაჭრებს მარილი და წიწაკა გემოვნების მიხედვით.
  4. 4
    აიღეთ ჩანგალი, მისი გამოყენებით სათითაოდ თევზის ყველა ნაჭერი კარგად ამოავლეთ თქვენს მიერ მომზადებულ საწებელში.
  5. 5
    საწებელში ამოვლებული თევზი მოათავსეთ ტაფაზე და შეწვით მანამ სანამ ის არ მიიღებს ღია ოქროს ფერს. დააკვირდით ფოტოს
  6. 6
    იმისათვის, რომ არ დაკარგით დრო, აიღეთ მეორე ტაფა, დაასხით მასზე ზეთი და შეწვით კარტოფილი ფრი. ისიც შეწვით მანამ სანამ არ მიიღებს ოქროსფერ ფერს.
  7. 7
    მომზადებული კერძის გასინჯვა აუცილებელია ცხელ მდგოიმარეობაში. საწებელში დაბრაწულ თევზს ხრაშუნა კარტოფილ ფრი-სთან ერთად უხდება ნებისმიერი სახის სოუზი რომელიც თქვენ მოგწონთ, მაგ მაიონეზის, მდგოგვის და იოგურტის ნარევი.