კულინარია

რეცეპტები

როგორ მოვამზადოთ წითელი ლობიოს ბურთულები

როგორ მოვამზადოთ წითელი ლობიოს ბურთულები

ავტორი: თაკო კარკალაია

 

საჭირო მასალები/ხელსაწყოები:

  • წითელი ლობიო 200 გრ.
  • ხახვი 200 გრ.
  • ნიორი 15 გრ.
  • ნიგოზი 200 გრ.
  • წითელი წიწაკა გემოვნებით
  • ხმელი ქინძი 1/3 ჩ.კ.
  • შაშკვლავი 5 გრ.
  • ნიახური 5 გრ.
  • ქონდარი 5 გრ.
  • ზაფრანა 5 გრ.
  • ახალი ქინძი 10 გრ.
  • უცხო სუნელი 1/2 ჩ.კ
  • პიტნა 2 გრ.
  • ზეთი 100 მ.ლ
  • ძმარი 1 ს.კ.
  • მარილი გემოვნებით
  • სოუსის რეცეპტი
  • ხახვი 80 გრ.
  • ზეთი 30 გრ.
  • ახალი ქინძი 10 გრ.
  • ნიგოზი 40 გრ.
  • ხმელი ქონდარი 3 გრ.
  • უცხო სუნელი 5 გრ.
  • ხმელი ქინძი 3 გრ.
  • ძმარი 1 ს.კ.
  • ნიორი 1 კბილი
  • წითელი წიწაკა და მარილი გემოვნებით

საფეხურები

  1. 1 ლობიო მოვხარშოთ. ნახარში გადავასხათ ცალკე ჭურჭელში.
  2. 2 ლობიოს დავამატოთ წვრილად დაჭრილი, ზეთში მოშუშული ხახვი და ნიორი. შემდეგ სუნელები, მწვანილი, მარილი და პილპილი გემოვნებით, გატარებული ან დანაყული ნიგოზი და ვადუღოთ 5 წუთის განმავლობაში.
  3. 3 მომზადებული ლობიო კარგად დავჭყლიტოთ და გავაციოთ. გაცივებული მასისგან გავაკეთოთ ლობიოს გუნდები და მოვათავსოთ ის მაცივარში ერთი საათის განმავლობაში.
  4. 4 ამასობაში მოვამზადოთ სოუსი ლობიოს გუნდებისთვის.
  5. 5 მოვშუშოთ ზეთში წვრილად დაჭრილი ხახვი და ნიორი, დავამატოთ სუნელები, ძმარი, მარილი, გატარებული ნიგოზი, ლობიოს ნახარში და ვხარშოთ 4-5 წუთის განმავლობაში.
  6. 6 სოუსი გავაციოთ და შიგ ჩავაწყოთ ლობიოს ბურთულები.
  7. 7 კერძი უნდა მიირთვათ ცივად.