როგორ მოვამზადოთ კომბოსტოს რულეტი ნიგვზით

ავტორი: თაკო კარკალაია

საჭირო მასალები/ხელსაწყოები:

კომბოსტოს დიდი ფურცელი (4ც)
ნიგოზი 150 გრ.
ნიორი 2 კბილი
ძმარი 20 გრ.
ხმელი ქინძი 5 გრ.
უცხო სუნელი 20 გრ.
ყვითელი ყვავილი 5 გრ.
სტაფილო 60 გრ.
მარილი და წითელი წიწაკა გემოვნებით

საფეხურები

1 კომბოსტოს ფურცლები მოწალეთ, გადაიღეთ საწურზე და გააციეთ.
2 ნიგოზი გაატარეთ ხორცის საკეპ მანქანის წვრილ ბადეში. მოზილეთ მანამ, სანამ ნიგოზი არ გამოუშვებს ზეთს.
3 იმისთვის, რომ ზეთი გამოუვიდეს ადვილად, შეურიეთ ცოტა გადადუღებული წყალი, ნიორი და მარილი. ზეთი გადაიღეთ ცალკე ჭურჭელში.
4 ნიგოზში შეურიეთ სუნელები და მომზადებული მასა თანაბრად გადაანაწილეთ კომბოსტოს ფურცლებზე და წაუსვით.
5 თითოეულ კომბოსტოს ფურცელზე, მოათავსეთ მოხარშული სტაფილოს გრძლად დაჭრილი ნაჭრები.
6 კომბოსტოს ფურცლები გადაახვიეთ რულეტად, შეახვიეთ ალუმინის ქაღალდში ან სამზარეულოს ცელოფნის აპკში და 1 სთ. მოათავსეთ მაცივარში.
7 შემდეგ იგი უნდა დაიჭრას ბასრი დანით დიაგონალზე. რულეტს ასევე მოასხით ნიგვზის ზეთი.