როგორ მოვამზადოთ ისპანახის ფხალი - rogor.ge

როგორ მოვამზადოთ ისპანახის ფხალი

 

ისპანახი გავრეცხოთ. თუ ძირები უხეშია, მოვაცალოთ, ჩავყაროთ ადუღებულ წყალში და ვხარშოთ დაახლოებით 5 წთ. მომზადებამდე.

 

გადმოვიღოთ საწურზე და გავაგრილოთ.

 

კარგად გავწუროთ, წვრილად დავკეპოთ, ან გავატაროთ ხორცის საკეპ მანქანაში. ნიგოზიც გავატაროთ ხორცის საკეპი მანქანის წვრილ ბადეში, შევურიოთ ნიორი, სუნელები, ძმარი, წიწაკა და მარილი გემოვნებით.

 

წვრილად დავჭრათ ქინძი და გადავურიოთ ისპანახისა და ნიგვზის მასაში.

 

მომზადებული მასიდან გავაკეთოთ პატარა ბურთულები და გავუკეთოდ ჩაღრმავება, რომელშიც მოვათავსოთ ბროწეულის მარცვლები.