როგორ მოვამზადოთ პრასის ბუდეები ნიგვზით - rogor.ge

 

გარეცხეთ პრასი. პრასის ფოთლების ძირში, როგორც წესი, გროვდება მიწა.

 

იმისთვის, რომ პრასი კარგად გაირეცხოს, გამდინარე წყალში დასერეთ ის ჯვარისებრ თეთრი ნაწილიდან დაბოლოებების მიმართულებით.

 

მოათავსეთ მთლიანად ადუღებულ წყალში და მოხარშეთ კარგად.

 

მოხარშული პრასი გადაიღეთ საწურზე და გააცივეთ.

 

შემდეგ დაძენძეთ სიგრძეში.

 

ნიგოზი გაატარეთ ხორცის საკეპ მანქანაში, დაამატეთ სანელებლები და გახეხილი ან დანაყული ნიორი. კარგად გადაზილეთ ნიგვზის მასა, დაამატეთ ძმარი და ცოტაოდენი გადადუღებული წყალი.

 

ნიგვზის შეკაზმული მასა გადაუსვით პრასს, შეახვიეთ ის სპირალისებურად და მიეცით ბუდეების ფორმა.

 

და ბოლოს პრასის ბუდეებში მოათავსეთ ბროწეულის მარცვლები.